މުޅި ގައުމުގެ ހުރިހާ ރައްޔިތުން މިހާރު އެއް އަޑަކުން ދައްކަނީ ރައީސް ޑރ. މުހައްމަދު މުއިއްޒުގެ ނުލަފާކަމުގެ ވާހަކަ ކަމަށް ވިދާޅުވެ، ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު އަނެއްކާ ވެސް ރައީސަށް ފާޑު ވިދާޅުވެއްޖެ އެވެ.
އޭނަ ސޯޝަލް މީޑިއާ ޕޯސްޓެއްގައި މިއަދު ވިދާޅުވީ ރައްޔުތުން މިހާރު މުޅިން ވެސް ދައްކަނީ ރައީސް ހެއްދެވި ބޮޑެތި ދޮގުތަކުގެ ވާހަކަ ކަމަށެވެ.
"މީނާގެ ނުބައި ރޭވުމުން ރައީސް ޔާމީން ސަލާމަތްކުރައްވާނދޭ. ފިރުއަނު މޫސާގެ ފާނު އުފަންވެދާނެތީ ބިރުގަތްހެން އަދުުރޭއާ މުއިއްޒު ރ. ޔާމީން މިނިވަންވެދާނެތީ ބިރުގަނޭ." ވެރިކަމަށް ވަޑައިގެންނެވުމަޑް ފަހު ކުރީގެ ރައީސް އަބްދުﷲ ޔާމީން މިނިވަން ކުރައްވާނެ ކަމަށް މުއިއްޒު ވިދާޅުވެފައިވާ ވާހަކަތަކަށް އިޝާރާތް ކުރައްވައި ޖަމީލު ވިދާޅުވި އެވެ.
މި ސަރުކާރުން ޔާމީން 11 އަހަރުގެ ޖަލު ހުކުމުން އެއްކޮށް ސަަލާމަތްކޮށް ނުދޭތީ ޖަމީލު ގެންދަވަނީ ތަކުރާރުކޮށް ރައީސާއި ސަރުކާރަށް ފާޑު ވިދާޅުވަމުންނެވެ. އޭނަ އަކީ ޔާމީންގެ ވަކީލުންގެ ޓީމުގައި އިސްކޮށް އުޅުއްވާ ބޭފުޅެކެވެ.
ދެހާސް ބާވީސް ވަނަ އަހަރުގެ ޑިސެމްބަރު މަހުގެ ތެރޭގައި ޔާމީނަށް 11 އަހަރުގެ ޖަލު ހުކުމެއް އައީ ވ. އާރަށުގައި މުއާމަލާތުގައި ހިންގެވި ކޮރަޕްޝަނާއި މަނީލޯންޑްރިންފގެ ކުށް ސާބިތުވެގެންނެވެ. އެގޮތުން ޔާމީން ޖަލުގައި ހުކުމް ތަންފީޒު ކުރައްވަމުން ގެންދަވަނިކޮށް، ގޭބަންދަށް މިދިޔަ އަހަރުގެ އޮކްޓޯބަރު މަހުގެ ތެރޭގައި ބަދަލުކުރެއްވީ ސެޕްޓެމްބަރުގައި މުއިއްޒަށް ރިޔާސީ އިންތިހާބު ކާމިޔާބު ކުރެއްވުނު ހިސާބުންނެވެ.
އޭގެ ފަހުން ލުއެއްގެ ގޮތުގައި ގޭބަންދު ރަށުބަންދަށް ބަދަލުކުރި އެވެ.