ހުޅުމާލޭގައި ގަވާއިދާ ހިލާފަޑް ބާރު ސްޕީޑުގައި ސައިކަލެއް ދުއްވި މީހަކު ފުލުހުންގެ ބެލުމުގެ ދަށަށް ގެންދަން މަސައްކަތް ކުރުމުން ހަމަނުޖެހުން ހިންގައި ފުލުހުންނަށް އިންޒާރު ދިން ހަތަރު މީހަކު ހައްޔަރުކޮށްފި އެވެ.
ފުލުހުން ބުނީ އެ ހަތަރު މީހުން ހައްޔަރުކުރީ ކޯޓު އަމުރުގެ ދަށުން އެކި ދުވަސްމަތިން ކަމަށެވެ. ފުލުހުން ބުންޏެވެ. ހައްޔަރުކުރީ 21 އަހަރުގެ ދެ މީހަކާއއި 24 އަހަރު މީހެއްގެ އިތުރުން 26 އަހަރުގެ މީހެކެވެ. މި މީހުންގެ ތެރެއިން 21 އަހަރުގެ ދެ މީހުންނާއި 24 އަހަރުގެ މީހާ ހުޅުމާލެއިން ހައްޔަރުކުރި އިރު، 26 އަހަރުގެ މީހާ ހައްޔަރުކުރީ ލ. ގަމުންނެވެ. ކަމަށެވެ. އަދުި އޭގެ ތެރެއިން 21 އަހަރުގެ އެކަކު ހައްޔަރުކުރީ މިއަދެވެ.
ފުލުހުން މިއަދު ބުނީ އެ ހަތަރު މީހުންނަކީ މި މަހުގެ 11 ވަނަ ދުވަހު 13:20 ހާއިރު ހުޅުމާލެ ފޭސް އެކަކުން ޓްރެފިކް ގަވާއިދާއި ހިލާފަށް އަދި އާންމުންގެ ހިތްތަކުގައި ބިރުވެރިކަން އުފެދޭ ގޮތަށް ބާރު ސްޕީޑުގައި ދުއްވި ސައިކަލެއް މަޑުކުރަން ފުލުހުން އުޅުމުން އެ ސައިކަލު މަޑު ނުކޮށް ބާރު ސްޕީޑުގައި ހުޅުމާލެ ފޭސް ދޭކަށް ދިޔުއުމުން ހަމަނުޖެހުން ހިންގައި، އިންޒާރު ދިން ބައެއް ކަމަށެވެ.
އެގޮތުން ގަވާއިދާ ހިލާފަށް ދުއްވީ ސައިކަލު ހުއްޓުވީ ފޭސް ދޭއްގައި ހުންނަ ހިޔާ ފްލެޓް 11 ކައިރިން ކަމަށާއި ދުއްވަން އިން މީހާ ފުލުހުންގެ ބެލުމުގެ ދަށަށް ގެންދަން އުޅުމުން ފުލުހުންގެ ދައުރު އަދާކުރުމަށް ހުރަސް އެޅި ކަމަށް ފުލުހުން ބުންޏެވެ. އަދި އެ ސަރަހައްދުގެ އާއްމު މަސްލަހަތު ގެއްލޭ ގޮތަށް އަމަލުކޮށް އެ ތަނުގައި ހަރަކާތްތެރިވި ފުލުހުންނާއި އެ ފުލުހުންގެ އާއިލާއަށް ނިސްބަތްކޮށް އިންޒާރު ވެސް ދިން ކަމަށް ބުންޏެވެ.
ހުޅުމާލެއިން ހައްޔަރުކުރި ތިން މީހުންގެ ތެރެއިން 21 އަހަރުގެ އެކަކު ދެ ދުވަހަށް ބަންދުކުރުމަށާއި ދެން ތިބި ދެ މީހުން 10 ދުވަހަށް ބަންދުކުރުމަށް ހުޅުމާލެ މެޖިސްޓްރޭޓު ކޯޓުން ވަނީ މުއްދަތު ޖަހައި ދީފަ އެވެ. އަދި 26 އަހަރުގެ މީހާގެ ބަންދަށް
ގަމު މެޖިސްޓްރޭޓް ކޯޓުން 30 ދުވަހަށް ގޭ ބަންދުކޮށް އަދި ކަފާލާތުގެ ދަށުން އެހެން މީހަކު ޖާމިނު ކުރުމަށް ފަހު ދޫކޮށްލާފައިވާ ކަމަށް ފުލުހުން ބުންޏެވެ.