މާލޭގެ އޮފީހެއްގެ ތިޖޫރީ ފަޅާލައި ގިނަ އަދަދެއްގެ ޑޮލަރު ވަގަށް ނެގި މީހަކު ހައްޔަރުކޮށް 20 ދުވަހުގެ މުއްދަތަށް ބަންދުކޮށްފި އެވެ.
ވައްކަން ކުރުމާއި ހުއްދަ ނޫން ތަނަކަށް ވަނުމާއި މުދަލަށް ގެއްލުންދިންކަމުގެ ތުހުމަތުގައި ހައްޔަރުކޮށް ބަންދު ޖެހީ މ. ދިއްގަރަށް ނިސްބަތްވާ 34 އަހަރުގެ ފިރިހެނެކެވެ.
ކްރިމިނަލް ކޯޓަށް އަންގާރަ ދުވަހު އޭނަ ހާޒިރުކުރުމުން ތިޖޫރީ ފަޅާލައި ގިނަ އަދަދެއްގެ ޑޮލަރު ވަގަށް ނެގި ކަމަށް އިއުތިރާފުވެފައިވެ އެވެ. އަދި އޭނަ ވަގަށް ނެގި ޑޮލަރުން ބަންގްލަދޭޝް ބަޔަކަށް ޑޮލަރު މާރުކޮށް ދީފައިފައިވާ ކަމަށް ވެސް ފުލުހުން ގާތު ބުނެފައިވެ އެވެ.
ތިޖޫރީ ފަޅާލި މައްސަލާގައި ބަލައި ފާސްކުރި ކުރުމުން އޭނަގެ ލޯބިވެރިޔާގެ އަތުން 106،000ރ. އަދި އޭނާގެ ކޮއްކޮގެ އަތުން 36،000ރ. ފެނިފައިވާ ކަމަށް ފުލުހުން ބުންޏެވެ.