މިދިޔަ މަހު މާލޭގެ ގަލޮޅު ދަނޑުގައި ކުޅުނު މެޗެއްގައި ހިންގި މާރާމާރީއާ ގުޅިގެން ހައްޔަރުކުރި މީހުންގެ ތެރެއިން ބަޔަކު ދޫކޮށްލައުފި އެވެ.
މިދިޔަ މަހުގެ 7 ވަނަ ދުވަހު ހިންގި ހަމަނުޖެހުންތަކާ ގުޅިގެން 16 މީހަކު ހައްޔަރުކުރި އެވެ. އަދި އޭގެ ތެރެއިން 13 މީހަކު މިހާރު ދޫކޮށްލާފައިވާ ކަމަށް ފުލުހުން މިއަދު ބުންޏެވެ. ފުލުހުން ބުނީ ހައްޔަރުކުރި މީހުންގެ ތިން މީހަކު ފިޔަވައި އެހެން އެންމެން ދޫކޮށްލީ ޝަރުތުތަކަކާ އެކީގައި ކަމަށެވެ.
މާރާމާރީ ހިންގީ ދެވަނަ ޑިވިޝަން ފުޓްބޯޅަ މުބާރާތުގައި ކުޑަހެންވޭރާއި ވިކްޓަރީ ކުޅުނު މެޗުގެ ފަހު 10 މިނިޓުގެ ތެރޭގަ އެވެ.
މިހާރު ބަންދުގައި ތިބިު ތިން މީހުންގެ ބަންދާ މެދު ގޮތެއް ނިންމަން މިދިޔަ އާދިއްތަ ދުވަހު ކްރިމިނަލް ކޯޓަށް ހާޒިރު ކުރުމުން ކޮންމެ މީހެއްގެ ބަންދަށް އިތުރު 15 ދުވަސް ޖަހާފައިވެ އެވެ.