އިންޑިއާގެ މަޝްހޫރު ބަތަލާ ދީޕިކާ ޕަދްކޯން ބަލިވެއިން ވާހަކަ ރަސްމީކޮށް މިއަދު އިއުލާންކޮށްފި އެވެ.
ދީޕިކާ އާއި ރަންވީރްގެ އިންސްޓަގްރާމްގައި މިކަން އިއުލާންކޮށް ބުނެފައި ވަނީ ދަރިފުޅު އުފަންވާނީ ސެޕްޓެމްބަރު މަހުގެ ތެރޭގައި ކަމަށެވެ.
ދީޕިކާ ބަލިވެއިންކަން ޔަގީންކޮށް ދީފައި މި ވަނީ މީޑިއާތަކުން އެ ވާހަކަ ރިޕޯޓްކުރިތާ ހަފުތާއެއްހާ ދުވަސް ފަހުންނެވެ.
ބޮލީވުުޑްގެ މިހާރުގެ އެންމެ ނުފޫޒު ގަދަ ތަރިންގެ ތެރޭގައި ހިމެނޭ ދީޕިކާ އާއި ރަންވީރު ކައިވެނިކުރީ 2018 ގަ އެވެ. މި ދެ ތަރިން އެކީގައި ކާމިޔާބު ފިލްމުތަކެއް ވެސް ކުޅެފައިވެ އެވެ. އެއީ "ރާމް-ލީލާ"، "ބަޖިރާއޯ މަސްތާނީ"، "ޕަދުމާވަތު" އަދި "83" އެވެ.