ކޮވިޑާ ވިދިގެން ރާއްޖެ އަށް ދަތުރުތައް ހުއްޓާފައި އޮތް ޗައިނާގެ އީސްޓަން އެއާލައިންގެ ދަތުރުތައް އަލުން ރާއްޖެ އަށް ފަށައިފި އެވެ.
އެ އެއާލައިނަށް ރޭ މަރުހަބާ ކިޔަން ވެލާނާ އިންޓަނޭޝަނަލް އެއާޕޯޓް (ވީއައިއޭ) ގައި ވަނީ ހާއްސަ ރަސްމިއްޔާތެއް ވެސް ބާއްވައިފަ އެވެ. އެ ރަސްމިއްޔާތުގައި ޓޫރިޒަމް މިނިސްޓަރު އިބްރާހިމް ފައިސަލާއި ޗައިނާ އިން ރާއްޖެ އަށް ކަނޑައަޅުއްވާފައިވާ ހުންނަވާ ސަފީރު ވަންގް ލިޒިން އާއި ސަރުކާރުގެ އިސް ބޭފުޅުން ބައިވެރިވެވަޑައިގެންނެވި އެވެ.
ޗައިނާ އަކީ މިހާރު ރާއްޖެ އަށް އެންމެ ގިނަ ޓޫރިސްޓުން އަންނަ ގައުމެވެ. އެ ގައުމުން މިހާތަނަށް އައި ޓޫރިސްޓުންގެ އަދަދު 51،000 އަށް ވުރެ ގިނަ އެވެ.
ޗައިނާގެ އިތުރު އެހެން އެއާލައިންތަކެއް ރާއްޖެ އަށް އުދުހެ އެވެ. އެގޮތުން އެ ގައުމުގެ ޝިއަމެން އެއާލައިންގެ ދަތުރުތައް ވެސް މި މަހުގެ 14 ގައި ރާއްޖެ އަށް ފަށާފައިވެ އެވެ.
ޗައިނާ އަކީ ތިން ވަނަ އަށް މިދިޔަ އަހަރު އެންމެ ގިނަ ޓޫރިސްޓުން ރާއްޖެ އައި ގައުމެވެ.