ގައުމީ އެއާލައިން މޯލްޑިވިއަމުން އަންނަ އެޕްރީލް މަހުގެ ތެރޭގައުި ސްރީ ލަންކާ އަށް ދަތުރުތައް ފަށަން ނިންމައިފި އެވެ.
އެ އެއާލައިން އޮޕަރޭޓްކުރާ އައިލޭންޑް އޭވިއޭޝަން ސާވިސެސް އައިއޭއެސް) އިން ނެރުނު ބަޔާނެއްގައި ބުނީ ލަންކާގެ ވެރިރަށް، ކޮލަމްބޯ އަށް ދަތުރުތައް ފަށަން ހަމަޖެހިފައި ވަނީ އެޕްރީލް 25 އިން ފެށިގެން ކަމަށެވެ.
މޯލްޑިވިއަންގެ މެނޭޖިން ޑިރެކްޓަރު އިބްރާހިމް އަޔާސް ވިދާޅުވީ، ކޮލަމްބޯ އަށް ދަތުރުތައް ފެށުމުން ރާއްޖެ އާއި ލަންކާ ވިޔަފާރީގެ ގޮތުންނާއި އެހެނިހެން ގޮތްގޮތުން ވެސް ގުޅުވާލުމަކީ ވަރަށް ގިނަ ދުވަސްތަކެއް ވަންދެން އިންތިޒާރު ކުރަމުން އައި ކަމެއް ކަމަށެވެ.
މޯލްޑިވިއަނުން ބުނީ އެޕްރީލް 25 އިން ފެށިގެން ވެލާނާ އިންޓަނޭޝަނަލް އެއާޕޯޓުން ކޮލޮމްބޯގެ ބަންޑާރަނައިކަ އިންޓަނޭޝަނަލް އެއާޕޯޓް ހަފުތާއަކު ދެ ދުވަހު ދަތުރު ބާއްވާނެ ކަމަށެވެ. މިއަދުން ފެށިގެން ވަނީ ބުކިންސް ހެދުމުގެ ފުރުސަތު ވެސް ހުޅުވާލައިފަ އެވެ.
އިިންޑިއާ އަށް ވެސް ދަތުރުތައް ކުރަމުން އަންނަ މޯލްޑިވިއަނުން ބުނީ ދަތުރުތައް ފަށާއިރު ލަންކާ ދެކޮޅު ޓިކެޓް 222ރ. އަށް ލިބޭނެ ކަމަށެވެ