ބުޅާ ފެސިލިޓީ އަޅާނެ ބަޔަކު ހޯދަން މާލެ ސިޓީ ކައުންސިލުން އިއުލާންކޮށްފި އެވެ.
އެ ކައުންސިލުން ބުނީ އެ މަަސައްކަތްކޮށް ދޭން ޝައުގުވެރިވާ ފަރާތްތަކަށް ބާއްވާ މައުލޫމާތު ދިނުމުގެ ސެޝަނެއް އަންނަ އަންގާރަ ދުވަހުގެ ހެނދުނު 11:00 ގައި ސިޓީ ކައުންސިލްގައި އޮންނާނެ ކަމަށެވެ. އަދި އަގު ހުށަހެޅުން އޮންނާނީ އަންނަ ބުރާސްފަތި ދުވަހުގެ ހެނދުނު 11:00 ގައި ކައުންސިލް ގަވެ.
ބުޅާ ފެސިލިޓީ ހަދައި މެނޭޖްކުރަން ދިރޭތަކެއްޗާ މިނިސްޓަރީން މާލޭ ސިޓީ ކައުންސިލާ އެކި އެއްބަސްވުން ހެދީ މިދިޔަ މަހުގެ 25 ގަ އެވެ. އަދި އެކަމަށް ހުޅުމާލޭގެ ބައެއްގެ ގޮތުގައި އޮންނަ ފަރުކޮޅުފުށިން ބިން ހަވާލުކުރީ މިދިޔަ މަހުގެ 9 ގަ އެވެ. ބުޅާ ފެސިލިޓީ ހަދަން ދިނީ 5،000 އަކަފޫޓްގެ ބިމެކެވެ.
ހުޅުމާލޭގައި ކެޓް ޝެލްޓަރ އެޅުމަށް ބޭނުންވާ ބިން @MAAWmv ގެ ފަރާތުން ކައުންސިލާއި ހަވާލުކުރުން pic.twitter.com/fDr6QU0joc
— Malé City Council (@MaleCitymv) February 9, 2024
ކައުންސިލުން ބުނީ މި ފެސިލިޓީގައި ބުޅާތަކަށް ހާއްސަ ހޮޓަލަކާއި ޕާކް އަދި ފިހާރައެއް ވެސް ހުންނާނެ އެވެ. ފެސިލިޓީގެ މަސައްކަތް ފަށާތާ ހަ މަސްތެރޭގައި ނިންމަން ޖެހެ އެވެ.