ރާއްޖެ އިން މިހާރު އިންގިލާބީ ބަދަލުތައް ފެންނަން ފަށައިފި ކަމަށާއި މިއީ ދިވެހިން މިދިޔަ އަހަރުގެ ރިޔާސީ އިންތިހާބުގައިވި ގުރުބާނީގެ އަގު ކަމަށް އިމިގްރޭޝަން ކޮންޓްރޯލަރު މުހައްމަދު ޝަމާން ވިދާޅުވެއްޖެ އެވެ.
ރައީސް ޑރ. މުހައްމަދު މުއިއްޒުގެ ސިޔާސަތުތަކާ ގުޅޭ ގޮތުން އޭނަ ސޯޝަލް މީޑިއާ ޕޯސްޓެއްގައި ވިދާޅުވީ ފައިސާ ޗާޕު ކުރުން ހުއްޓާލައި މިހާރު ދައުލަތުގެ ދަރަނިން އަރަނި ވާން ފަށާފައިވާ ކަމަށެވެ.
"ދުވެލި ހުރީ މިހާރުގެ ގޮތުން ބުނާ ނަމަ ރައީސް މުއިއްޒުގެ ދުވެލީގައި." ޝަމާން ވިދާޅުވި އެވެ.
ފައިސާ ޗާޕު ކުރުން ހުއްޓައިފި. ދަރަނިން އަރަނި ވާން ފަށައިފި. އިންގިލާބީ ބަދަލުތައް ފެންނަން ފަށައިފި. ދުވެލި ހުރީ މިހާރުގެ ގޮތުން ބުނާ ނަމަ ރައީސް @MMuizzu ގެ ދުވެލީގަ. ދިވެހިން މިދިޔަ ރިޔާސީ އިންތިހާބުގަ ވީ ޤުރުބާނީ ގެ އަގު ލިބެން ފަށައިފި.
— Mohamed Shamaan Waheed (@ShamaanW) March 2, 2024
ރައީސް ވިދާޅުވަމުން ގެންދަވަނީ އިގުތިސާދީ ގޮތުންނާއި މާލީ ގޮތުން ދަތިތަކެއް ހުއްޓަސް ރައްޔިތުން ބޭނުންވ ތަރައްގީ އާއި ކުރިއެރުން މި ސަރުކާރުން ގެނެސްދޭނެ ކަމަށެވެ. އެގޮތުން މަޖިލިސް އިންތިހާބާ ދިމާކޮށް ރަށްރަށަށް ކުރައްވަމުން ގެންދަވާ ދަތުރުތަކުގައި ރަށްރަށުގައި ތަރައްގީގެ ތަފާތު ބޮޑެތި މަޝްރޫއުތައް ކުރިއަށް ގެންދަވާނެކަމުގެ ޔަގީންކަން ރައީސް އަންނަނީ ދެއްވަމުންނެވެ.
އެގޮތުން ރައީސްގެ އަތޮޅު ދަތުރުތަކުން އެންމެ ފާހަގަކުރެވެނީ އެއާޕޯޓްތައް އަޅަން ވެވަޑައިގަންނަވާ ވައުދުތަކެވެ.