ހުޅުމާލޭގެ ފޭސް ދޭއްގައި އިމާރާތް ކުރަމުން އަންނަ ފުރަތަމަ ދާއިމީ މިސްކިތް އަންނަ ހުކުރު ދުވަހު ހުޅުވާނެ ކަމަށް އިސްލާމިމް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެއްޖެ އެވެެ.
ސޯޝަލް މީޑިއާ ޕޯސްޓެއްގައި މިނިސްޓަރު މިއަދު ވިދާޅުވީ 1،500 މީހުންނަށް އެއްފަހަރާ ނަމާދު ކުރެވޭ އެ މިސްކިތް ހުޅުވުމުން ކުރިއަށް އޮތް ރޯދަ މަހު ފޭސް ދޭއްގެ ރައްޔިތުންނަށް ވަރަށް ބޮޑު ފަސޭހައެއް ލިބޭނެ ކަމަށެވެ.
މި މިސްކިތަކީ ރާއްޖޭގެ މަޝްހޫރު ކުންފުންޏެއް ކަމަށްވާ މުނިހޯމް ކެއާ އިން އިމާރާތް ކުރަމުން އަންނަ މިސްކިތެކެވެ.
ހުޅުމާލެ ފޭސް 2 ގައި ބިނާކުރެވޭ ފުރަތަމަ ދާއިމީ މިސްކިތް އަންނަ ހުކުރު ދުވަހު އިންޝާ ﷲ ހުޅުވިގެންދާނެ. މިއީ 1500 މީހުންނަށް އެއް ފަހަރާ ނަމާދު ކުރެވޭވަރުގެ ބޮޑު މިސްކިތެއް. ރޯދަ މަހަށް ފޭސް 2 ގެ ރައްޔިތުންނަށް ވަރަށް ބޮޑު ފަސޭހައެއް ލިބިގެންދާނެ.
— Mohamed Shaheem Ali Saeed (@Mohamedshaheem1) March 5, 2024
ފޭސް ދޭއްގައި އެސްޖޭ ކޮންސްޓްރަކްޝަންގެ އިތުރުން އަމިއްލަ އެހެން ތިން ފަރާތަކުންނާއި ހައުސިން ޑިވެލޮޕްމަންޓް ކޯޕަރޭޝަން 0އެޗްޑީސީ) އިން ވެސް އަންނަނީ މިސްކިތެއް އިމާރާތްކުރަމުންނެވެ.
މުނިހޯމް ކެއާ އިން އިމާރާތް ކުރާ މިސްކިތަށް ފަހު ދެން އެންމެ އަވަހަށް ނިމޭނީ އެސްޖޭ އިން އިމާރާތްކުރާ 3،000 މީހުންގެ ޖާގައިގެ މިސްކިތެވެ.