ކުރިއަށް އޮތް ރޯދަ މަހާއި ޝައްވާލު މަހުގެ ފުރަތަމަ ހަތް ދުވަހު ކައިވެނިކޮށްދޭ ގަޑިތައް ފެމިލީ ކޯޓުން އާންމުކޮށްފި އެވެ.
އެ ކޯޓުން ބުނީ ރޯދަ މަހު ކޯޓުގައި ކައިވެނިކޮށް ދޭނީ ރަސްމީ ދުވަސްތަކުގައި 9:30 އިން 12:30 އަދި ރޭގަނޑު 9:30 އިން 11:30 އަށް ކަމަށެވެ. ކޯޓުން ބޭރުގައި ކައިވެނިކޮށް ދޭނީ ކޮންމެ ދުވަހެއްގެ ރޭގަނޑު 9:30 އިން 11:30 އަށެވެ.
ޝައްވާލު މަހުގެ ފުރަތަމަ 7 ދުވަހު ކޯޓުގައި ކައިވެނިކޮށްދޭ ނީ ރަސްމީ ދުވަސްތަކުގައި 9:30 އިން 12:30 އަށް، 4:00 އިން 5:30 އަށް އަދި ރޭގަނޑު 7:30 އިން 9:30 އަށެވެ. ކޯޓުން ބޭރުގައި ކައިވެނިކޮށް ދޭނީ ކޮންމެ ދުވަހެއްގެ ހަވީރު 4:00 އިން 5:30 އަށް އަދި ރޭގަނޑު 7:30 އިން 9:30 އަށެވެ.
ކަލަންޑަރުގައިވާ ގޮތުން ރޯދަ މަހުގެ ފުރަތަމަ ދުވަހަކީ މި މަހުގެ 11 އެވެ.