މަޖިލިސް އިންތިހާބަށް ވާދަކުރާ އެމްޑީޕީގެ ކެންޑިޑޭޓެއްގެ ގަޔަށް އިއްޔެ ބަޔަކު ކަޅުޔެތޮ ޖެހި މައްސަލަ އެ ޕާޓީގެ ފަރާތުން ފުލުހުންނަށް ހުށަހަޅައިފި އެވެ.
މެންބަރުންގެ ބަހުސަށް ދަނިކޮށް މާލޭގެ މަގުމަތިން އިއްޔެގެ ވަގުތެއްގައި ކަޅުތެޔޮ ޖެހީ ފަރެސްމާތޮޑާ ދާއިރާ އަށް އެމްޑީޕީގެ ފަރާތުން ވާދަކުރާ އަހުމަދު ޒައީމްގެ ގަޔަށެވެ. އޭނަގެ ގަޔަށް ކަޅުތެޔޮ ޖެހީ އަމީނީ މަގު އެމްއެންޔޫ ކައިރި ޕާކިން ޒޯ ހިސާބުން ސައިކަލެއްގައި ދިޔަ ދެ މީހެކެވެ.
މިއީ މަޖިލިސް ކެމްޕޭންގެ ތެރޭގައި އެމްޑީޕީގެ ކެންޑިޑޭޓެއްގެ ގަޔަށް ބަޔަކު ކަޅުތެޔޮ ޖެހި ފުރަތަމަ ފަހަރެވެ.
ވިހި ވަނަ މަޖިލިސް އިންތިހާބު ބާއްވަން ހަމަޖެހިފައި ވަނީ އަންނަަ މަހުގެ 21 ގަ އެވެ.