ފުވައްމުލަކުގައި ތަފާތު ޑިޒައިނަކަށް ބިނާކޮށްފައިވާ ރީތި މިސްކިތެއް ހުޅުވައިފި އެވެ.
މި މިސްކިތަކީ ދެ ބުރިއަށް އިމާރާތްކޮށްފައިވާ އަދި 400 މީހުންގެ ޖާގައިގެ "މަސްޖިދު ހުދާ" އެވެ. މި މިސްކިތް އިއްޔެ ހުޅުވައި ބޭނުން ކުރަން ފެށި އިރު، މިސްކިތަކީ މިދިޔަ އަހަރު މަސައްކަތް ފެށި މިސްކިތެވެ.
"މަސްޖިދު ހުދާ" އިމާރާތްކޮށްފައި ވަނީ ދޮންބޭޒް ޕްރައިވެޓް ލިމިޓެޑާއި ހަވާލުކޮށްގެންނެވެ.
މިސްކިތް އިމާރާތްކުރަން އެ ކުންފުންޏާ އެކި އިސްލާމިކް މިނިސްޓްރީން ހަވާލުކުރީ މިދިޔަ އަހަރުގެ އެޕްރީލް މަހުގެ 5 ގަ އެވެ.
މިސްކިތް ހުޅުވަން ބޭއްވި ރަސްމިއްޔާތުގައި މިސްކިތް ހުޅުއްވައި ދެއްވީ މާލޭ އިސްލާމީ މަރުކަޒުގެ އިސް އިމާމު ޝެއިހް މުހައްމަދު ލަތީފާއި ފުވައްމުލަކު މޭޔަރު އިސްމާއީލް ރަފީގެވެ.
"މަސްޖިދުލް ހުދާ" ގެ އިތުރުން ފުވައްމުލަކުގައި ރޭ ވަނީ އިތުރު މިސްކިތެއް ވެސް ހުޅުވައިފަ އެވެ. އެއީ "މަސްޖިދު އުންމު އަބްދިﷲ" އެވެ.