އެސްޓީއޯ މެޑިކަލް ސާވިސަސްއިން ރާއްޖެ އަށް "ޓްރިސްޓަ" ބްރޭންޑްގެ އުފެއްދުންތައް ތައާރަފުކޮށްފި އެވެ.
އެމެރިކާގެ މިބްރޭންޑަކީ ހޮސްޕިޓަލާއި ކުލިނިކްތަކައް ޚާއްސަ އަދި ގޭގައި ވެސް ބޭނުން ކުރެވޭނެެ ސިއްހީ ކަންކަން މޮނިޓަކުރާ އާލާތްތަކަށް ހާއްސަ ބްރޭންޑެއެވެ.
މީގެ ތެރޭގައި ލޭގެ ޕްރެޝަރު, ހަކުރު ބަލި، ޕަލްސް އަދި އޮކްސިޖަން ބެލޭނެ ޑިވައިސްތައް ހިމެނެއެވެ. އަދި ނޭވާލުމުގެ ނިޒާމުގެ މައްސަލަ ހުންނަ މީހުންނަށް ބޭނުން ކުރެވޭނެ ޚާއްސަ އާލާތްތަކާއި ޞިއްޙީ ދުޅަހެޔޮކަމަށް ބޭނުންކުރާ އަދި ވެއިޓް މެނޭޖްމަންޓާ ގުޅުންހުރި އުފެއްދުންތަކެއް ވެސް ހިމެނެ އެވެ.
އެސްޓީއޯ ޕީޕަލްސް ޗޮއިސްގައި ބޭއްވި ރަސްމިއްޔާތުގައި "ޓްރިސްޓަ" ބްރޭންޑް ރާއްޖޭގެ މާކެޓަށް ރަސްމީކޮށް ލޯންޗްކޮށް ދެއްވީ އެ ކުންފުނީގެ ސީއީއޯ/އެމްޑީ ޝިމާދު އިބްރާހިމާއި އެސްޓީއޯ މެޑިކަލް ސާވިސަސްގެ ޖެނެރަލް މެނޭޖަރު އަހުމަދު ނިއުޝާދެވެ.
އެސްޓީއޯ މެޑިކަލް ސަރވިސަސް އިން އަލަށް ތައާރަފް ކުރެި ވަސީލަތްތަކުގެތެރޭގައި ދިގުމުއްދަތަށް ބޭސްކުރާ ފަރާތްތަކަށް ގޭގައި ބޭނުން ކުރެވޭނެ ޚާއްސަ ވަސީލަތްތައް އެކުލެވެއެވެ.
އެސްޓީއޯ އިން ބުނީ އަލަށް ތައާރަފުކުރި އުފެއްދުންތައް ޕީޕަލްސް ޗޮއިސްގެ އިތުރުން އެސްޓީއޯގެ މާލެ ސަރަހައްދުތަކުގެ ފާމަސީތަކުން ވެސް ކުރިއަށް އޮތްތަނުގައި ލިބެން ހުންނާނެއެވެ. އަދި އަމާޒަކީ ވީހާ ވެސް އަވަހަކަށް ރާއްޖޭގެ ހުރިހާ ހިސާބަކުން ވެސް އުފެއްދުންތައް ލިބޭނެ ގޮތް ހަމަޖެއްސުން ކަމަށް އެސްޓީއޯ އިން ބުންޏެވެ.