Last Updated: November 27, 01:11
Tuesday, November 26, 2024
ޚަބަރު

ބުންވަރު ގަދަ، ދަތްދޮޅި ދުއްވައެއް ނުލެވޭނެ

ބުންވަރު ވަރަށ ވަރުފަދަ ކަމަށާއި ދަތްދޮޅިއެއް ވެސް ދުއްވައި ނުލެވޭނެ ކަމަށް ވިދާޅުވެ ކުރީގެ ނައިބު ރައީސް ޑރ. މުހައްމަދު ޖަމީލު އަހުމަދު ކަސްރަތުގައި އުޅުއްވާ މަންޒަރު ފެންނަ ފޮޓޯއަކާ އެކު ސަރުކާރަށް ބަހުގެ ހަމަލާއެއް ފޮނުއްވައިފި އެވެ.

ކުރިން ޑިފެންސް މިނިސްޓަރުގައި ހުންނެވި ދުވަސްވަރު މިހާރުގެ ލޯކަލް ގަވަރަމަންޓް މިނިސްޓަރު އާދަމް ޝަރީފު އުމަރު ރައްޔިތުންގެ މަޖިލީހުގެ މެންބަރުންގެ "ދަތްދޮޅި ދުއްވައިލުމާ" ގުޅޭ ގޮތުން ދެއްކެވި ވާހަކަ އަލުން ތަކުރާރުކުރައްވާފައިވާތީ އެކަމަށް އިޝާރާތް ކުރައްވައި ޖަމީލު ސޯޝަލް މީޑިއާ ޕޯސްޓެއްގައި ވިދާޅުވީ ސީޒަނަށް ފިސާރި ވަރުގަދަ އަށް ތައްޔާރުވެގެން ތިބި ކަމަށާއި މި ބުންވަރާއި ހަކަތަޔަށް ރައްޔިތުން އިތުބާރު ވެސް ކުރަން ޖެހޭ ކަމަށެވެ.

"ލިބޭ ހިތްހަމަޖެހުމަކީ ވާދަވެރިން ތިބި އަންފިޓްކަމާއި ވަރުބަލިކަން،" އޭނަ ވިދާޅުވި އެވެ. "ދަތްދޮޅި ކީއް ކުރަން ކުޑަވައި އިނގިއްޔަކަށް ފިތާލެވޭ ވަރަށް ވުރެ ވެސް ހަކަތަ ދަށް."

ކުރީގެ ރައީސް އަބްދުﷲ ޔާމީނާ އެކީ ހުންނެވި ޖަމީލަކީ މި ސަރުކާރަށް ވަރަށް ބޮޑަށް ފާޑު ވިދާޅުވަމުން ގެންދަވަމުން ގެންދަވާ ބޭފުޅެކެވެ