ރައްޔިތުންގެ މަޖިލީހުގެ އިންތިހާބު އަންނަ މަހަށް ފަސްކުރުމާ ގުޅިގެން ވޯޓާސް ލިސްޓަށް އިތުރުވި މީހުންގެ ރީރަޖިސްޓްރޭޝަނަށް އިލެކްޝަން ކޮމިޝަން (އީސީ) އިން މިއަދު ހުޅުވާލައިި އެވެ.
މިކަމަށް ދިން ސުންގަޑި ހަމަވާނީ މި މަހުގެ 16 އަށެވެ.
އިންތިހާބު ފަސްކުރުމާ ގުޅިގެން ވޯޓާސް ލިސްޓަށް އަލަށް 560 މީހަކު އިތުރުވި އެވެ. އަލަށް އިތުރުވި މީހުންނާ އެކީ އަންނަ މަހުގެ 21 އަށް ތާވަލުކޮށްފައިވާ މަޖިލިސް އިންތިހާބުގައި ވޯޓްލެވޭ މީހުންގެ އަދަދު 284،887 އަށް އަރަ އެވެ.
ވިހި ވަނަ މަޖިލިސް އިންތިހާބުގައި 93 ދާއިރާއަކަށް މެންބަރުން އިންތިހާބު ކުރާނެ އެވެ. އިންތިހާބުގައި ޖުމްލަ 369 ކެންޑިޑޭޓުން ވާދަކުރެ އެވެ. އޭގެ ތެރޭ ހިމެނެނީ 326 ފިރިހެން ކެންޑިޑޭޓުން 43 އަންހެން ކެންޑިޑޭޓުންނެވެ