އައްޑޫގެ އިސްރަށްވެހިންނަނސް ހާއްސަކޮށްގެން ހިންގަން ހަމަޖެހިވާ ޑިޖިޓަލް ލިޓްރަސީ ކޯހުގައި 15 މީހަކު ބައިވެރިވެފައިވާ ކަމަށް ގައުމީ ޔުނިވަސިޓީގެ ހިިތަދޫ ކެމްޕަހުން ބުނެފި އެވެ
އެ ކެމްޕަހުން ހިންގަން ހަމަޖެހިފައިވާ މި ކޯހުގައި ބައިވެރިވާން ދިން ސުންގަޑި މިދިޔަ މަހުގެ 21 އަށް ހަމަވި އިރު 15 މީހަކު އެޕްލައިކުރި ކަމަށް ކޭމްޕަހުން ބުންޏެވެ. އެތަނުން ބުނީ ހަ ދުވަހުގެ މުއްދަތަށް ހިންގަން ހަމަޖެހިފައިވާ ކޯސް ފަށާނެ ތާރީހެއް ނިންމުމާ މެދު މިހާރު މަޝްވަރާކުރަމުން އަންނަ ކަމަށެވެ.
މުޅިން ހިލޭ ހިންގަން ހަމަޖެހިފައިވާ ޑިޖިޓަލް ލިޓްރަސީ ކޯހަށް ހުޅުވައިލި އިރު މައިގަނޑު ޝަރުތަކީ ސްމާޓްފޯނެއް ގެންގުޅުމެވެ.
ޑިޖިޓަލް ލިޓްރަސީ ކޯހުގައި ނަގައިދޭނެ ބައިތަކުގެ ތެރޭގައި އިންޓަނެޓް ބޭނުން ކުރާނެ ގޮތާއި އޭގެ ޒަރީރާ އިން މީހުންނާ ގުޅުން ދަމަހައްޓާނެ ގޮތާއި ފައިސާ ރައްކާތެރިކަނާ އެކީ ބަލަހައްޓާނެ ގޮތާއި އާންމު އެޕްލިކޭޝަންތައް ބޭނުން ކުރަން ދަސްކޮށް ދިނުމާއި އޮންލައިން މަކަރުހެދުމާއި "ފިޝިން" ހިމެނެ އެވެ.