އައްޑޫގެ ކުނިކޮށިތަކުގައި މަސައްކަތް ކުރާނެ ބިދޭސީން ގެނެސް ދޭނެ ފަރާތެއް ހޯދަން އައްޑޫ ސިޓީ ކައުންސިލުން އިއުލާންކޮށްފި އެވެ.
ކައުންސިލުން ނެރެފައިވާ އިއުލާނެއްގައި ބުނެފައި ވަނީ މިކަމަށް ޝައުގުވެރިވާ ފަރާތްތަކަށް އަންނަ މަހުގެ 12 ވަނަ ދުވަހާ ހަމައަށް ޕްރޮޕޯސަލް ހުށަހެޅުމުގެ ފުރުސަތު ހުޅުވާލައިފައިވާ ކަމަށެވެ.
މިކަމާ ބެހޭ މައުލޫމާތު ދިނުން އަންނަ މަހުގެ 5 ވަނަ ދުވަހު ކައުންސިލް އިދާރާގައި މެންދުރު ފަހު 2:00 ގައި އޮންނާނެ އެވެ.
ކައުންސިލުން ބިދޭސީން ހޯދަނީ ރުއްޖެހެރަ ސަރަހައްދާއި ހުޅުމީދޫ ކޮނިކޮއްޓަށް ބޭނުންވާ ބިދޭސީންނެވެ.
ކައުންސިލުން ބުނެފައިވާ ގޮތުގައި އަންނަ މަހުގެ 11 ވަނަ ދުވަހުން ފެށިގެން ކުނި ނެގުމުގެ މަސައްކަތްކޮށް، ކުނިކޮށިތަކަށް ކުނި ޖަމާ ކުރުމުގެ މަސައްކަތް ކުރިއަށް ދާނީ ސީދާ ކައުންސިލްގެ ބެލުމުގެ ދަށުންނެވެ.
ަކައުންސިލުން ވަނޯ ގޭބިސީތަކުން ކުނި ނަގައި، ކުނިކޮއްޓަށް ކުނި ޖަމާކޮށް ދިނުމުގެ މަސައްކަތް ކުރަން ވެސް ބަޔަކު ހޯދަން ނިންމައިފަ އެވެ.
މިހާރު ރުއްޖެހެރަ ކުނި ކޮށި ބަލަހައްޓާ ސަދަން މޯލްޑިވްސްގެ އެގްރިމަންޓް އަންނަ މަހުގެ 10 އަށް ހަމަވާނެ އެވެ.