މަކަރާއި ހީލަތުގެ މައްސަލަތަކަކާ ގުޅިގެން ހެކީގެ ގޮތުގައި މާފުށި ޖަލުގައި ހިންގި އޮޕަރޭޝަނެއްގައި މޮބައިލް ފޯނުތަކަކާއި އެހެނިހެން ތަކެތި ހޯދައި ފުލުހުންގެ ބެލުމުގެ ދަށަށް ގެނެސްފި އެވެ.
މި މަހުގެ 6 ގައި ހިންގި މި އޮޕަރޭޝަނަކީ ފުލުހުންނަށް ހުށަހަޅައި ބަލަމުން އަންނަ، މަކަރާއި ހީލަތުން 500،000ރ. އަތުލާފައިވާ މައްސަލައަކާއި މަކަރާއި ހީލަތުގެ އިތުރު އެހެން މައްސަލައަކާ ގުޅިގެން ހިންގި އޮޕަރޭޝަނެކެވެ. މި އޮޕަރޭޝަނުގައި، މާފުށި ޖަލުގެ ބައެއް ގޮޅިތައް ބަލައި ފާސްކޮޮށް 22 މޮބައިލް ފޯނާއި 10 ޗާޖަރާއި 10 ހެޑްސެޓް/އެއާޕޮޑާއި ދެ ސިމްކާޑާއި ފޯނުގެ ބައިތަކެއްގެ އިތުރުން މައްސަލައާ ގުޅުން ހުރި އިތުރު ހެކި ހޯދައި ފުލުހުންގެ ބެލުމުގެ ދަށަށް ގެންގޮސްފައިވެ އެވެ.
މި މައްސަލަ ފުލުހުން އަންނަމީ އިތުރަށް ތަހުގީގު ކުރަމުންނެވެ.
މީގެ ކުރިން ވެސް އެކި ފަހަރުމަތިން ޖަލަށް ވެއްދި ފޯނުތަކެއް ހޯދާފައިވެ އެވެ.