ރާއްޖޭގައި އީދު ނަމާދު ކުރަ ގަޑި ހެނދުނު 7:00 އަށް އަވަސްކުރުމާ ގުޅޭ ގޮތުން މަޝްވަރާކުރަމުން އަންނަ އިރު، އެކަމާ ގުޅޭ ގޮތުން ނިންމާ ގޮތެއް ވަރަށް އަވަހަށް އިއުލާން ކުރާނެ ކަމަށް އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވިދާޅުވެއްޖެ އެވެ.
ރޯދަ ހަނދު ސާބިތުކުރަން ރޭ ބޭއްވި ޖަލްސާ އަށްފަހު ފަލަކީ ކޮމެޓީގައި މިނިސްޓަރު ވިދާޅުވީ އީދު ނަމާދު ކުރާ ގަޑިއަށް ބަދަލު ގެނައުމަށް މަޝްވަރާ ފަށާފައިވާ ކަމަށާއި، އެކަމާ ގުޅޭ ގޮތުން ނިންމާ ނިންމުން ވަރަށް އަވަހަށް ހާމަ ކުރައްވާނެ ކަމަށެވެ. އަދި މިނިސްޓްރު ވަނީ އެކަމުގައި ފަލަކީ ކޮމެޓީގެ ރައުޔު ވެސް ހޯއްދަވައިފަ އެވެ. އީދު ނަމާދު އަވަސްކިރުމާ ގުޅޭ ގޮތުން ކުރިން ވަމީ ފަތުވާ މަޖިލިހުގެ ރައުޔާއި ކުރީގެ ރައީސް އަދި ފަލަކީ އިލްމުވެރިޔާ މައުމޫން އަބްދުލްގައްޔޫމްގެ މަޝްވަރާ ވެސް ހޯއްދަވާފައިވާ ކަމަށް މިނިސްޓަރު ވިދާޅުވި އެވެ.
އެ މަޝްވަރާތަކުގައި ހުރިހާ ފަރާތްތަކުން ވެސް އީދު ނަމާދު ކުރަން ފަށާ ވަގުތު އަވަސްކުރުމަށް ހިޔާލު ދެއްވި ކަމަށް މިނިސްޓަރު ޝަހީމު ވިދާޅުވި އެވެ.
"މިހާތަނަށް މަޝްވަރާ ކުރެވުނު ހުރިހާ ބޭފުޅުންނަށް ވެސް އިއްތިފާގުވެވޭ އީދު ނަމާދުގެ ޖަމާއަތް ފަށާ ގަޑި މިހާރު މި އޮތް ވަގުތަށް ވުރެ އަވަސްކޮށްލަން." މިނިސްޓަރު ވިދާޅުވި އެވެ.
ރާއްޖޭގައި އީދު ނަމާދު ކުރަނީ ހެނދުނު 7:30 ގައެވެ.