މި ސަރުކާރު އައި އިރު މަސްވެރިންނަށް ދޭން ޖެހިފައި ހުރި ފައިސާ ދީ މިހާރު ނިންމައިލެވިއްޖެ ކަމަށް ރައީސް ޑރ. މުހައްމަދު ވިދާޅުވެއްޖެ އެވެ.
މަސްވެރިންނަށް ދޭން ޖެހޭ ފައިސާގެ ތެރެއިން ނުދެވި ބާކީ ހުރ ފައިސާ ރޭ ދޫކޮށް ނިންމާފައިވާ އިރު، ސޯޝަލް މީޑިއާ ޕޯސްޓެއްގައި ރައީސް ވިދާޅުވީ "މަސްވެރިންގެ ބެކްލޮގް އެއްކޮށް ކްލިއާ ކުރެވިއްޖެ" ކަމަށެވެ.
"މިއަދު ދެވުނު ފައިސާއާ އެކު، މަސްވެރިންނަށް މިދިޔަ ހުކުރު ދުވަހާ ހިސާބަށް ބޭނި ހުރިހާ މަހަށް ފައިސާ ދީ، މަސްވެރިންގެ ބެކްލޮގް އެއްކޮށް ކްލިއާ ކުރެވިއްޖެ." ރައީސް ވިދާޅުވި އެވެ.
މަސްވެރިން ކިރުވި މަހށް ދޭމް ޖެހިފައިވާ ފައިސާގެ ތެރެއިން ބާކީ ނުދެވި ހުރި 157 މިލިއަން ރުފިޔާ އޮޑިވެރިންނަށް ޖަމާކުރުމުގެ މަސައްކަތް ރޭ ކުރިއަށް ގެންދިޔަ ކަމަށް ފިޝަރީޒް މިނިސްޓްރީން އާއި މިފްކޯ އިން ބުންޏެވެ. އެގޮތުން ބޭންކް އޮފް މޯލްޑިވްސްގައި އެކައުންޓު އޮންނަ ހުރިހާ އޮޑިވެރިންނަށް ރޭގެ ނިޔަލަށް ފައިސާ ޖަމާވާނެ ކަމަށާއި މިއަދަކީ ރަސްމީ ބަންދު ދުވަހަކަށް ވާތީ އެހެން ބޭންކުތަކުގައި އެކައުންޓު ގެންގުޅޭ މީހުންނަށް ވެސް ލަސްވެގެން މިއަދު ފައިސާ ލިބޭނެ ކަމަށް ފިޝަރީޒް މިނިސްޓްރީން ބުންޏެވެ.
ސަރުކާރުން ބުނެފައި ރައީސް މުއިއްޒު ވަނީ ވެރިކަމާ ހަވާލުވެވަޑައިގަތް އިރު، ކުރީގެ ސަރުކާރުން މަސްވެރިންނަށް 300 މިލިއަން ރުފިޔާއާ ގާތްކުރާ އަދަދެއްގެ ފައިސާ މަސްވެރިންނަށް ނުދީ ހުރި ކަމަށެވެ. މި ފައިސާ ލިބުން ލަސްވެ، މި ފަހުން މަސްވެރިން ސިލްސިލާ އިހުތިޖާޖުތަކެއް ވެސް ކުރިއަށް ގެންގޮަސްފައިވެ އެވެ.