އިމާމުވެ ހުކުރު ކުރާނެ ޒުވާން ޚަތީބުން ތަމްރީނު ކުރަން އިސްލާމިކް މިނިސްޓްރީހެ ފެށި ޕްރޮގްރާމްގެ ފުރަތަމަ ބެޗްގައި 57 ޒުވާނަކަށް ހުއްދަ ދީފި އެވެ.
ތަމްރީނު ޕްރޮގްރާމް ނިންމާލައި ހުއްދަ ދިނުމުގެ ރަސްމިއްޔާތު ބޭއްވީ އިއްޔެ އެވެ. ހުއްދަ ހޯދި 57 ޚަތީބުން މި ރޯދަ މަހުގެ ތެރޭގައި އިމާމުވެ ހުކުރު ކުރަން ފަށާނެ އެވެ. ގްރޭޑް 10، 11 އަދި 12 ގައި އުޅޭ ދަރިވަރުންނަށާއި ސްކޫލް ނިމިފައިވާ ދަރިވަރުންނަށް ހާއްސަކޮށްގެން ފެށި ޕްރޮގްރާމްގެ ފުރަތަމަ ބެޗަށް ހުޅުވައިލުމުން 160 ޒުވާނަކާ އިންޓަވިއުކުރި އެވެ. އަދި އިންޓަވިއު އިން 77 ޒުވާނަކާ އެކީ ތަމްރީނު ޕްރޮގްރާމް ފެށީ މިދިޔަ މަހުގެ 12 ގަ އެވެ.
ނަމަވެސް ފުރަތަމަ ބެޗް ނިންމައި ހުއްދަ ހާސިލުކުރީ އޭގެ ތެރެއިން 57 ޒުވާނުންނެވެ.
އިސްލާމިކް މިނިސްޓްރީން ބުނީ ޚަތީނުން ތަމްރީނު ކުރުމުގެ އިތުރު ބުރެއް ވަރަށް އަވަހަށް ފަށާނެ ކަމަށެވެ.