މާލޭގެ ޕޯޓް ސަރަހައްދުގައި މަސައްކަތްކުރާ ހީވާގި މަޖޫރީންނަށް ޚާއްސަކޮށްގެން ޒަމާނީ ފެންވަރަށް ހެދި މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ހެދި "މަޖޫރީންގެ ހިޔާ" ރަސްމީކޮށް ހުޅުވައިފި އެވެ.
އެތަން އިއްޔެ ހުޅުއްވައި ދެއްވީ އެމްޕީއެލްގެ ސީއީއޯ މުޙައްމަދު ވަޖީހާއި ޔޫތު މިނިސްޓަރު އިބްރާހީމް ވަޙީދު (އަސްވާޑް) އާއި ޕްރިންސިޕަލް ސެކްރެޓެރީ ޓު ދަ ޕްރެޒިޑެންޓް އޮން ޕަބްލިކް ޕޮލިސީ، ޢަބްދުﷲ ނާޒިމް އިބްރާހީމްގެ އިތުރުން ހުޅުމާލޭގެ ކައުންސިލަރު އިބްރާހީމް ސުޖާޢު އެވެ.
ޕޯޓް ސަރަޙައްދުގައި ބުރަ މަސައްކަތްތަކެއް ކުރަމުން އަންނަ މަޖޫރީން މަސައްކަތުގައި އުޅޭ ވަގުތުގައި އަރާމުކޮށްލުމަށް އެކަށީގެންވާ ޖާގެއެއް ނެތުމަކީ އަބަދުވެސް އެ ފަރާތްތަކުން ޝަކުވާއެއް ކަމަށް އެމްޕީއެލުން ބުންޏެވެ.
އެހެންވެ "މަޖޫރީންގެ ހިޔާ" އަކީ އެކަމަށް ގެނެސްދިން ހައްލެއް ކަމަށް އެ ކުންފުނިން ބުންޏެވެ. އެތަނަކީ ކުރިއަށް ވުރެ ޖާގައިގެ ގޮތުން ތަނަވަސް، ޒަމާނީ އިމާރާތެކެވެ.