ހިލާލީގެއަށް ބަދަލުވެވަޑައިނުގަންނަވާ ކަމަށާއި އެކަމަކު މި މަހުގެ ތެރޭގައި އެ ގެއަށް ބަދަލުވެވަޑައިގަންނަވާނެ ކަމަށް ނައިބު ރައީސް ހުސައިން މުހައްމަދު ލަތީފު ވިދާޅުވެއްޖެ އެވެ.
އެ މަނިކުފާނު މިގޮތަށް ވިދާޅުވީ ހިލާލީގެއަށް ޖާސޫސްކުރާތީ އެގެއިން ނުކުމެވަޑައިގެން އަމިއްލަ އެޕާޓަންޓަކަށް ބަދަލުވެވަޑައިގެންފައިވާ ކަމަށް މީޑިއާއަކުން ރިޕޯޓްކޮށްފައި ވަނިކޮށެވެ. ނައިބު ރައީސް މިއަދި ސޯޝަލް މީޑިއާގައި ވިދާޅުވީ މަނިކުފާނު ހިލާލީގެ ދޫކުރެއްވީ ވާހަކަ އަކީ އެއްވެސް ހަގީގަތެއް ނެތް ވާހަކައެއް ކަމަށެވެ.
"މިފަދަ ދޮގު ނަހަދާ މުޖުތަމައު ފަސާދަ ކުރުން ހުއްޓާލަން ގޮވާލަން." އެ މަނިކުފާނި ވިދާޅުވި އެވެ.
އޯކިޑް މަގުގައި ހުންނަ ހިލާލީގެއަކީ ނައިބު ރައީސަށް ހާއްސަ ގެކޮޅެވެ. މިހާރުގެ ނައިބު ރައީސް އެތަނަށް ބަދަލުވެވަޑައިގަތުމަށްޓަކައި މަރާމާތުތަކެއް އަންނަނީ ކުރަމުންނެވެ.
ރައީސް ޑރ. މުހައްމަދު މުއިއްޒުގެ ދެކަނބަލުން މުލިއާގެއަށް ބަދަލުވެވަޑައިގެންނެވީ މިދިޔަ މަހުގެ ތެރޭގަ އެވެ.