އިލެކްޝަންސް ކޮމިޝަން (އީސީ) ގެ ތަރުޖަމާނަކަށް އެ ކޮމިޝަންގެ ސެކެޓްރީ ޖެނެރަލްގެ މަގާމުގައި ހުންނެވި ހަސަން ޒަކަރިއްޔާ ހަމަޖައްސައިފި އެވެ.
އީސީގެ ތަރުޖަމާނަކަށް އިއްޔެއާ ހަމައަށް ހުންނެވި ކޮމިޝަންގެ ނައިބުގެ ރައީސްގެ މަގާމުގައި ހުންނެވި އިސްމާއީލް ޚަބީބެވެ. އޭނަގެ މެންބަރުކަމުގެ ދައުރު އިއްޔެ ހަމަވުމާ އެކީ ތަރުޖަމާނުގެ މަގާމު ވެސް ހުސްވީ އެވެ. ހަބީބު އީސީން ވަކިވެވަޑައިގެންނެވި ކޮމިޝަނަށް 21 އަހަރު ހިދުމަތް ކުރެއްވުމަށް ފަހު އެވެ.
އިއްޔެ އޭނަގެ ދައުރު ހަމަވިއީ މިއީ ހަބީބުގެ ދެވަނަ ދައުރެވެ.
އީސީން ބުނީ ޒަކަރިއްޔާ ތަރުޖަމާނަކަށް އެ ކޮމިޝަނުގެ ގަވައިދުގެ 12 ވަނަ މާއްދާގެ (ހ) ގެ ދަށުން ކަމަށާއި އެގޮތަށް ނިންމީ ކޮމިޝަނުގެ 820 ވަނަ ޢާންމު ޖަލްސާގައި ކަމަށެވެ.