މާލޭގެ މަގެއްގެ މައްޗަށް ކުނި އެޅި އިތުރު މީހަކު ޖޫރިމަނާކޮށްފި އެވެ.
ސީސީޓީވީ ފުޓޭޖުތައް ބަލައިގެން އެ މީހާ ހޯދައި ޖޫރިމަނާ ކުރުމާ ބެހޭ ގޮތުން މާލެ ސިޓީ ކައުންސިލުން ބުނީ މަގުމަތީގައި ކުނި ބެހެއްޓި މީހަކު މާފަންނު ވިލީފުލުހާއި ކައުންސިލްގެ ކޮމިއުނިޓީ އެންގޭޖުމެންޓް ޔުނިޓާ ގުޅިގެން ހޯދައި ފުލުހަށް ހާޒިރުކޮށް ޖޫރިމާނާކޮށްފައިވާ ކަމަށެވެ.
މާލެ ސަރަހައްދުގެ އާންމު ތަންތަނަށް ކުނި އެޅުން މަނާ ކަމަކަށްވާ އިރު، އެފަދަ އަމަލެއް ކޮށްފި ނަމަ ޖޫރިމަނާ ކުރަނީ އެކަމެއް ކުރާ މީހަކު 500ރ. އިންނެވެ.
މަގުތަކަށް ކުނި އެޅި މައްސަލަތަކެއްގައި މި ހަފުތާގެ ތެރޭގައި ކުރިން 100 މީހަކު ޖޫރިމަނާކޮށްފައިވާ ކަމަށް ކައުންސިލުން އަންގާރަ ދުވަހު ބުނެފައިވެ އެވެ.
ކައުންސިލުން ބުނީ އިއްޔެ އެކަނި ވެސް މާލޭގެ މަތުމަތިން ވަނީ 42 ޓަނުގެ ކުނި ނަގާފައިވާ ކަމަށެވެ.