ފަސް އަހަރުގެ އަންހެން ކުއްޖަކަށް އެކި ދުވަސް މަތިން ތަކުރާރުކޮށް ޖިސްމާނީ އަނިޔާ ކުރިކަމުގެ ތުހުމަތުގައި މީހަކު ހައްޔަރުކޮށްފި އެވެ.
ހައްޔަރުކޮށްފައި ވަނީ 32 އަހަރުގެ ދިވެހި ފިރިހެނެއް ކަމަށް ފުލުހުން ބުންޏެވެ.
މި މަހުގެ 28 ވަނަ ދުވަހު ހިތަދޫ ޕޮލިސް ސްޓޭޝަނަށް ހުށަހެޅުނު މި މައްސަލަ އާ ގުޅިގެން އޭނާ ހައްޔަރުކޮށްފައި ވަނީ އެ ދުވަހުގެ ރޭ 10:30 ހާއިރު ކޯޓު އަމުރެއްގެ ދަށުންނެވެ.
މި މައްސަލާގައި ހައްޔަރުކޮށްފައިވާ މީހާގެ ބަންދާ މެދު ގޮތެއް ނިންމުމަށްޓަކައި ހިތަދޫ މެޖިސްޓްރޭޓް ކޯޓަށް ހާޒިރު ކުރުމުން ވަނީ މިނިސްޓްރީ އޮފް ހޯމް އެފެއާޒުން ކަނޑައަޅާ ތަނެއްގައި ބަންދުގައި ބަހައްޓައިގެން ތަހުޤީޤު ކުރިއަށް ގެންދިޔުމަށް ތިން ދުވަހުގެ މުއްދަތެއް ދީފަ އެވެ.