ހޮވައިގެން ގެނެސް ފުލުހުންނާ ހަވާލުކޮށްފައިވާ ފައިސާތަކެއްގެ ވެރިފަރާތް ހޯދުމަށް އިއުލާނު ކޮށްފިއެވެ.
ފުލުހުން ބުނެފައިވަނީ 10،000 ރުފިޔާ ހޮވާފައިވަނީ މާލެ ދޮންއަނދަރާދަ ހިނގުން ގ. ރެސްރޯން ކުރިމަތިން، މާރިޗު 14ވަނަ ދުވަހު ކަމަށެވެ.
މި މައްސަލައަށް ފުލުހުން ދީފައިވާ އިންސިޑެންޓް ނަންބަރަކީ 591082 އެވެ. ފުލުހުން ބުނެފައިވަނީ މި ފައިސާގެ ވެރިފަރާތުން 9631696 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުމަށް އެދިފައެވެ. އަދި ކާކުކަން އެނގޭނެ ލިޔުމަކާއެކު ގަލޮޅު ޕޮލިސް ސްޓޭޝަނަށް ހާޒިރުވެ ފައިސާއާ ހަވާލުމަށްވެސް އެދިފައިވެއެވެ.
މީގެއިތުރުން މާރިޗު 16 ވަނަ ދުވަހު މ. ހިޖާޒު ކައިރިން ހޮވައިގެން ގެނެސްފައިވާ 700 ރުފިޔާ ވެރިފަރާތް ހޯދުމަށްވެސް ފުލުހުން ވަނީ އިއުލާނު ކޮށްފައެވެެ. މި މައްސަލައަށް ފުލުހުން ދީފައިވާ އިންސިޑެންޓް ނަންބަރަކީ 591291 އެވެ. ފުލުހުން ވަނީ މި ތަކެތީގެ ވެރިފަރާތުން 9660183 އަށް ގުޅުއްވައި އިންސިޑެންޓް ނަންބަރާއެކު މައުލޫމާތު ހިއްސާކުރެއްވުމަށް އެދިފައެވެ. އަދި މާފަންނު ޕޮލިސް ސްޓޭޝަނަށް ހާޒިރުވެ ފައިސާއާ ހަވާލުވުމަށްވެސް އެދިފައިވެއެވެ.