އިލެކްޝަންސް ކޮމިޝަން (އީސީ) ގެ އާ ވެބްސައިޓް ރޭ ލޯންޗްކޮށްފި އެވެ.
އެ ކޮމިޝަންގެ ރައީސް ފުއާދު ތައުފީގު ސޯޝަލް މީޑިއާ ޕޯސްޓެއްގައި ވިދާޅުވީ ކޮމިޝަންގެ އާ ވެބްސައިޓު ލޯންޗުކޮށްފައި ވަނީ ބަދަލުތަކަކާ އެކީ، ކުރިއަށް ވުރެ ބޭނުން ކުރަން ފަސޭހަކޮށް ކަމަށެވެ.
"ޔޫޒާ ފްރެންޑްލީ އާ ވެބްސައިޓުން އަޕްޑޭޓެޑް މައުލޫމާތު ލިބޭނެ." އޭނަ ވިދާޅުވި އެވެ.
އާ ވެބްސައިޓުން މައުލޫމާތު ފަސޭހައިން ހޯދުމުގެ އިތުރުން އިންތިހާބުތަކާ ބެހޭ ކަންކަން ވެސް ވަކިން ބެލޭ ގޮތަށް ހަދާފައިވެ އެވެ. މި ވެބްސައިޓުގައި، ކުރީގެ ބައެއް އިންތިހާބުތަކުގެ ފޮޓޯ އާއި މި ފަހަރު ބާއްވާ ރައްޔިތުންގެ މަޖިލީހުގެ އިންތިހާބުގެ ކެންޑިޑޭޓުންނާއި ކުރީގެ އިންތިހާބުގެ ނަތީޖާތައް ވެސް ފެންނާނެ ގޮތް ހަދާފައިވެ އެވެ.