ގދ. ކަނޑެވާރެހާގައި ރިސޯޓެއް ތަރައްގީ ކުރަން އަނެއްކާ ވެސް ބީލަމަށް ހުޅުވާލައިފި އެވެ.
ހޯޑެއްދޫ ކައުންސިލުން މިއަދު ކުރި އިއުލާނެއްގައި ބުނީ ކަނޑެވާރެހާގައި ތަރައްގީ ކުރަން ނިންމީ އިންޓަގްރޭޑެޓް ރިސޯޓެއް ކަމަށެވެ. އެ މަޝްރޫއުގެ ބިޑް ޑޮކިއިމަންޓް ވިއްކުމާއޮ އިތުރު މައުލޫމާތު ހޯދަން ބޭނުންވާ މީހުންނަށް މި މަހުގެ 31، އިން ފެށިގެން އަންނަ މަހުގެ 30 ގެ ނިޔަލަށް އެ ފުރުސަތު އޮންނާނެ އެވެ.
މި މަޝްރޫއުގެ ޕްރީ ބިޑް މީޓިންއެއް މެއި 7، ގައި ޒޫމް މެދުވެރިކޮށް ބާއްވާނެ އެވެ. އަދި ޕްރޮޕޯސަލް ހުށަހަޅަންޖެހެނީ ޖޫން 2 ގެ ކުރިންނެވެ.
ކަނޑެވާރެހާގައި ރިސޯޓެއް ހަދަން ޓޫރިޒަމްމިނިސްޓްރީން 2021 ވަނަ އަހަރު ވެސް ހުޅުވާލި އެވެ. އޭރު އެ ރަށުގެ އިކުއިޒިޝަން ކޮސްޓެއްގެ ގޮތުގައި ހަމަޖެއްސީ 700،000 ޑޮލަރެވެ. ފަހުން، 2022 ގައި އެ ރަށުގައި ރިސޯޓެއް ހަދަން ހޯޑެއްދޫ ކައުންސިލުން މަސައްކަތްތަކެއް ކުރި އެވެ.