އަންނަ މަހު ބާއްވާ މަޖިލިސް އިންތިހާބުގައި ވާދަކުރާ ސަރުކާރަށް ނިސްބަތްވާ މާލެ ސަރަހައްދުގެ ކެންޑިޑޭޓުންނަށް ކެމްޕޭން ކުރައްވަން ރައީސް ޑރ. މުހައްމަދު މުއިއްޒު މިއަދު ނުކުންނަވާ ގޮތަށް ހަމަޖެހިއްޖެ އެވެ.
މި ކެމްޕޭން ހަރަކާތް ފެށުމަށް ހަމަޖެހިފައި ވަނީ މެންދުރު ފަހު 1:45 ގަ އެވެ. އެގޮތުން ރައީސް އެންމެ ފުރަތަމަ ބައިވެރިވެވަޑައިގަންނަވާނީ ހެންވޭރު ހުޅަނގު ދާއިރާގެ ޕީއެންސީގެ ކެންޑިޑޭޓް އަލީ އިބްރާހިމްގެ ކެމްޕޭންގަ އެވެ. މި ކެމްޕޭންގައި ދޮރުންދޮރަށް ހިންގަވާނެ އެވެ.
ރައީސް މި ފަހުން އެކިއެކި އަތޮޅުތަކަށް ކުރެއްވި ގިނަ ދަތުރިތަކުގައި ސަރުކާރަށް ނިސްބަތްވާ ކެންޑިޑޭޓުން މަޖިލީހަށް ހޮވައި، މެޖޯރިޓީ ހޯދައި ދޭން ރައްޔިތުންގެ ފަރާތުން އެދިވަޑައިގެންފައިވެ އެވެ.
ވިހި ވަނަ މަޖިލިސް އިންތިހާބު ބާއްވަން ހަމަޖެހިފައި ވަނީ އަންނަ މަހުގެ 21 ގަ އެެވެ.