މޯލްޑީވްސް އިންޑަސްޓްރިއަލް ފިޝަރީޒް ކޮމްޕެނީ ލިމިޓެޑް (މިފްކޯ) ގެ މެނޭޖިން ޑިރެކްޓަރު ވަގުތީގޮތުން މަގާމުގެ މަސްއޫލިޔަތުތަކުން އެކަހެރިކޮށްފިއެވެ.
ޕްރައިވޓައިޒޭޝަން އެންޑް ކޯޕަރަޓައިޒޭޝަން ބޯޑުން ނެރުނު ނޫސްބަޔާނެއްގައި ބުނެފައިވަނީ މިފްކޯގެ ސީއީއޯ އަދި މެނޭޖިން ޑިރެކްޓަރު އަހްމަދު ޝަމާހު ރަޝީދާއި ގުޅޭގޮތުން ކޯޕަރޭޓް ގަވަނެންސްއާއި ގުޅުންހުރި މައްސަލަތަކެއް ޕީސީބީއަށް ހުށަހެޅިފައިވާ ކަމަށެވެ.
އެހެންކަމުން އެކަމުގެ ފުރިހަމަ އިންކުއަރީއެއް ހިންގުމަށްޓަކައި މިއަދުން ފެށިގެން 14 ދުވަހުގެ މުއްދަތަށް މަޤާމުގެ މަސްއޫލިއްޔަތުތަކުން ވަގުތީ ގޮތުން އެކަހެރިކޮށްފައިވާ ކަމަށް ޕީސީބީން ބުނެފައިވެއެވެ.
މިފްކޯގެ އެމްޑީއާ ގުޅޭގޮތުން ހުށަހަޅާފައިވާ މައްސަލައިގެ ތަފްސީލެއް ޕީސީބީން ހާމަކޮށްފައެއް ނުވެއެވެ.