ކޮރަޕްޝަނާ ގުޅުންހުރި ގިނަ ތުހުމަތުތަކެއްގައި އެންޓި ކޮރަޕްޝަން ކޮމިޝަން (އޭސީސީ) އިން ބެޑްމިންޓަން އެސޯސިއޭޝަން އޮފް މޯލްޑިވްސްއަށް ވަދެއްޖެއެވެ.
އޭސީސީން ބުނެފައިވަނީ ބެޑްމިންޓަން އެސޯސިއޭޝަން އޮފް މޯލްޑިވްސްއަށް ރައްދުވާގޮތަށް އެކޮމިޝަނަށް މައްސަލަތަކެއް ހުށަހެޅިފައިވާ ކަމަށެވެ.
އޭސީސީން ބުނެފައިވަނީ ކޮރަޕްޝަނާ ގުޅުންހުރި، ގިނަ ތުހުމަތުތަކަކާ ގުޅިގެން ލިޔެކިޔުމާއި މައުލޫމާތު ހޯދުމަށް އެކޮމިޝަނުގެ ތަހުޤީޤު ޓީމެއް އެ އެސޯސިއޭޝަނުގައި ހަރަކާތްތެރިވާން ފަށާފައިވާ ކަމަށެވެ.
ބެޑްމިންޓަން އެސޯސިއޭޝަން އޮފް މޯލްޑިވްސްއަށް ރައްދުވާ ގޮތަށް ހުށަހަޅާފައިވާ ކޮރަޕްޝަންގެ މައްސަަލަތަކެއް ހުށަހަޅާފައިވާ ކަމަށް އޭސީސީން ބުނެފައިވާއިރު، މިމައްސަލަތަކާގުޅޭ އިތުރު އެއްވެސް ތަފްސީލެއް އެ ކޮމިޝަނުން ހާމަކޮށްފައެއް ނުވެއެވެ.