ކުރީގެ ރައީސް އިބްރާހީމް މުހައްމަދު ސޯލިހަށް ވެރިކަމުގެ ދެވަނަ ދައުރެއް ލިބުނު ނަމަ އެމްޑީޕީން ވިސްނާފައި އޮތީ ދެ އަހަރަށް ޕީއެސްއައިޕީ ހުރިހާ ޕްރޮޖެކްޓްތައް މެދުކަނޑާލަން ކަމަށް ފޭދޫ ދާއިރާގެ މަޖިލިސް މެންބަރު މުހައްމަދު ނިހާދު ވިދާޅުވެއްޖެ އެވެ.
މިހާރުގެ ރައީސް ޑރ. މުހައްމަދު މުއިއްޒުގެ ސަރުކާރުން ކުޑަ ރަށެއް، ބޮޑު ރަށެއް ބެލުމެއް ނެތި ރަށްރަށުގެ ތަރައްގީގެ މަޝްރޫއުތައް ހުއްޓާލާފައި ކަމަށް އެމްޑީޕީގެ މިހާރުގެ ރައީސް އަބްދުﷲ ޝާހިދު ވިދާޅުވުމާ ގުޅިގެން، ދެއްވި ރައްދެއްގެެ ގޮތުގައި މިހާރު ޕީއެންސީ އަށް ނިސްބަވްތާ އެމްޑީޕީގެ ކުރީގެ މެންބަރު ވިދާޅުވީ މި ސަރުކާރުން އަންނަނީ މާލީ ހާލަތު ރަނގަޅުކޮށް، ޕްރޮޖެކްޓްތައް ކުރިއަށް ގެންދެވޭނެ އިންތިޒާމު ހަމަޖައްސަމުން ކަމަށެވެ.
MDP ge visnumakee verikan libumun 2 aharah hurihai PSIP project eh madu jassaalun kamah Leadership in dhiyaiee bunamun! Maalee haalath Varah Goas kamah dhiyaiee bunamun!
Raees @MMuizzu ge Sarukaarun Dhanee haalathu ragalhu koh theyo elheyne inthizaam hamajassai project hingamun! https://t.co/Kd3Vg45O53— Feydhoo Meehaa (Mohamed Nihad) (@nihad_m) March 23, 2024
"އެމްޑީޕީގެ ވިސްނުމަކީ ވެރިކަން ލިބުމުން ދެ އަހަރަށް ހުރިހާ ޕީއެސްއައިޕީ ޕްރޮޖެކްޓްތައް މަޑުޖައްސާލަން ކަމަށް ލީޑަޝިޕުން ދިޔައީ ބުނަމުން،" ނިހާދު ވިދާޅުވި އެވެ. "މާލީ ހާލަތު ވަރަށް ގޯސްކަމަށް ދިޔައީ ބުނަމުން."
ނިހާދަކީ އެމްޑީޕީ އަށް ވެރިކަން ގެއްލުމުގެ ކުރިއާ ހަމައަށް މިހާރު ދައްކަވަމުން ގެންދަވާ ވާހަކަތަކާ މުޅިން އިދިކޮޅަށް ވާހަކަ ދައްކަވަމުން ގެންދެވި ބޭފުޅެކެވެ. އެގޮތުން ރާއްޖެ އަށް ތަރައްގީ ގެނެވެން އޮތީ ރައީސް ސޯލިހާ އެކީ ކަމަށް ކުރިން ވިދާޅުވަމުން ގެންދެވި އެވެ.
ނިހާދަކީ މި ސަރުކާރުން ވެރިކަން ކުރާ ޕާޓީ އަށް އެމްޑީޕީން ގެންދިޔަ މެންބަރުންގެ ތެރެއިން އެއް މެންބަރެވެ.