ރޯދަ މަހުގެ ފަހު ދިހައެއްގައި ބެންކް އޮފް މޯލްޑިވްސް (ބީއެމްއެލް) އިން ހިދުމަތްދޭނެ ގަޑިތައް އާންމު ކޮށްފިއެވެ.
ބީއެމްއެލްއިން މިއަދު ބުނެފައިވަނީ ބްރާންޗްތަކާއި ސާވިސް ސެންޓަރުތައް ހުޅުވާފައި ހުންނާނީ ހެނދުނު 10:00 އިން ފެށިގެން މެންދުރު 12:00 އަށްކަމަށެވެ.
މީގެއިތުރުން ބޭރަށް ފައިސާ ފޮނުވުމާއި، ޗެކު ޕްރޮސެސް ކުރުމާއި، ޕޭރޯލް އަދި ބަލްކް ޓްރާންސްފާގެ ހިދުމަތަށް ހުށަހެޅުމާއި ޖަމާކުރާ ޗެކުތައް ހެނދުނު 10:00 ގެ ކުރިން ހުށަހަޅައިފިނަމަ އެ ދުވަހަކު ޕްރޮސެސް ކުރުމަށް ނިންމާފައިވާ ކަމަށްވެސް ބީއެމްއެލްއިން މައުލޫމާތުދެއެވެ.
ބީއެމްއެލްއިން ބުނެފައިވަނީ ބީއެމްއެލްގެ ސެލްފް ސާވިސް ބޭންކިން ސެންޓަރުތައް މެދުވެރިކޮށް ޖަމާކުރުމާއި، ފައިސާ ނެގުމާއި ފައިސާ ފޮނުވުމުގެ ހިދުމަތް 24 ގަޑިއިރު ލިބޭނެ ކަމަށެވެ.