ރާއްޖޭގެ އުފެއްދުންތައް ޕްރޮމޯޓްކޮށް، މާކެޓް ކުރުމަށްޓަކައި "ދިވެހިންނަށް އިސްކަން" ގެ ނަމުގައި ކެމްޕޭނެއް ފަށައިފި އެވެ.
ކުދި އަދި މެދު ފަންތީގެ ވިޔަފާރިތައް ކުރިއަރުވަން މަސައްކަތްކުރާ ޒްނަސް ސެންޓަ ކޯޕަރޭޝަން ބީސީސީ) އިން ފެށި
މި ކެންޕޭނު ފައްޓަވައި ދެއްވީ އިކޮނޮމިކް މިނިސްޓަރު މުޙައްމަދު ސަޢީދެވެ.
ކެންޕޭން ކުރިއަށް ގެންދަން ހަމަޖެހިފައި ވަނީ ރާއްޖޭގެ ހުރިހާ ރަށަކަށް ބަހައިލައިގެންނެވެ. އަދި ކެންޕޭން ކުރިއަށް ގެންދާނީ އަންނަ މަހުގެ 16 އާ ހަމައަށެވެ.
ބީސީސީން ބުނީ "ދިވެހިންނަށް އިސްކަން" ކެންޕެއިން ކުރިއަށް ދާނީ އެކަމަށް ޚާއްސަކޮށް ބީސީސީން އުފައްދާފައިވާ ތިމާވެއްޓާ ރައްޓެހި ކޮތަޅެއްގައި ކޮންމެވެސް ދިވެހި އުފެއްދުމެއް ކޮންމެވެސް ފަރާތަކަށް ހަދިޔާކުރާ ގޮތަށް ކަމަށެވެ. އަދި އެ ހަދިޔާ ލިބޭ ފަރާތުން އެ ކޮތަޅުގައި އެހެން ފަރާތަކަށް ދިވެހި އުފެއްދުމެއް ހަދިޔާކުރާ ގޮތަށް ދެމިގެންދާ ގޮތަކަށް ކަމަށް ބުންޏެވެ. އަދި މިގޮތަށް އުފެއްދުންތައް ގަނެ ހަދިޔާކުރާ އިރު ވީޑިއޯކޮށް ސޯޝަލް މީޑިއާގައި ބީސީސީ އާއި އުފެއްދުމެއް އުފެއްދި ފަރާތް ޓެގްކޮށް ޕޯސްޓުކުރުމުން ކެންޕޭނުގައި ބައިވެރިވެވޭނެކަމަށް ބީސީސީން ބުންޏެވެ.
އެތަނުން ބުނީ މި ކެންޕޭނުގެ މައިގަނޑު މަގުސަދަކީ ދިވެހި މަސައްކަތްތެރިން އުފައްދާ އުފެއްދުންތަކުގެ މަޤުބޫލުކަން އިތުރުކޮށް އެފަރާތްތަކުން ކުރާ މަސައްކަތުގެ އަގުވަޒަންކޮށް އެތަކެއްޗަށް އިސްކަންދީ ޢާންމުންގެ ޝައުގުވެރިކަން އިތުރުކުރުން ކަމަށެވެ. މި ކެމްޕޭނުގައި ދިވެހި ކޮންމެ އުފެއްދުމެއް ވެސް ބޭނުން ކުރެވޭނެ އެވެ.
ކެމްޕޭން ކުރިއަށްދާ މުއްދަތުގައި ދިވެހި އުފެއްދުންތަކަށް ޚާއްސަކޮށްގެން މާލޭގައި ހިންގާ އޮތެންޓިކް މޯލްޑިވްސް ފިހާރައިން ގަންނަ ކޮންމެ އެއްޗަކަށް 10 ޕަސެންޓްގެ ޑިސްކައުންޓެއް ވެސް ލިބޭނެ ކަމަށެވެ.