މިހާރު ވެރިކަން ކުރާ ކޯލިޝަން ޕީއެންސީ/ޕީޕީއެމް ލަޝްކަވަރު ވަރުގަދަ ކުރައްވަން ރައީސް ޑރ. މުހައްމަދު މުއިއްޒު މަސައްކަތް ކުރައްވާނެ ކަމަށް ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) ގެ މެނޭޖިން ޑިރެކްޓަރު ފަޒުލް ރަޝީދު ވިދާޅުވެއްޖެ އެވެ.
ޕީޕީއެމް/ޕީއެންސީ އަށް އެއްވެސް ދިރުމެއް ދެއްވުމަށް ރައީސް ޑރ. މުއިއްޒު ބޭނުންފުޅު ނުވާ ކަމަށް ކުރީގެ ރައީސް އަބްދުﷲ ޔާމީން ވިދާޅުވެފައިވެފައިވާތީ އެކަމާ ގުޅުވައި ފަޒުލް ސޯޝަލް މީޑިއާގައި ވިދާޅުވީ 2023 ގެ ރިޔާސީ އިންތިޚާބު ބޮއިކޮޓް ނުކުރުމަށް ޕީޕީއެމްގެ ލީޑަރޝިޕުން ނިންމި ނިންމުމާ އެއްގޮތަށް އެ އިންތިޚާބުގައި ވާދަކުރަށްވައި ރައީސް މުޢިއްޒު ވަނީ ދިވެހިންގެ ރާއްޖެ ދިވެހިންނަށް ހޯއްދަވައި ދެއްވުމުގެ މަސައްކަތް ފަށްޓަވާފައި ކަމަށެވެ.
PPM/PNC ge laskaru magumathi nukoh Inthihaab boycott nukoh, dhiveheenge raaje ah dhathuru kurumah hiyvaraa keitheri kamaaeku masaikai koh inthihaab kaamiyaabu kureh vi adhu ge Raees @MMuizzu PPM/PNC laskaru varugadhakoh gaumu binaakurumah dhemihunna vaane, IA.
— Fazul Rashyd (@FaZuLRaShYd) March 29, 2024
އަދި ޕީޕީއެމްގެ ލަޝްކަރު މަގުމަތިކޮށްލުމަކީ ރައީސް ޑރ. މުޢިއްޒު ކުރަށްވާނެ ކަމެއް ނޫން ކަމަށް ވެސް ވިދާޅުވި އެވެ.
"ރައީސް ޑރ. މުޢިއްޒު ޕީޕީއެމްގެ ލަޝްކަރު ވަރުގަދަކޮށް ޤައުމު ބިނާކުރުމަށް ދެމިހުންނަވާނެ." ފަޒުލް ވިދާޅުވި އެވެ.
ކުރީގެ ރައީސް ޔާމީން ގެންދަވަނީ މިހާރު ރައީސް މުއިއްޒަށާއި ސަރުކާރަށް ވަރަށް ބޮޑަށް ފާޑު ވިދާޅުވަމުންނެވެ. އަދި އެ މަނިކުފާނު ވަނީ ޕީޕީއެމް ދޫކޮށްލައްވައި ޕީޕަލްސް ނެޝަނަލް ފްރޮންޓް (ފީއެންއެފް) ގެ ނަމުގައި ޕާޓީއެއް އުފެއްދެވުމަށް މަސައްކަތް ކުރައްވަމުންނެވެ.