މާފަރު އިންޓަނޭޝަނަލް އެއާޕޯޓްގައި 50 ކޮޓަރީގެ ހޮޓަލެއް ތަރައްގީކޮށް ހިންގަން ޝައުގުވެރިވާ ފަރާތްތަކަށް އެކްސްޕްރެޝަން އޮފް އިންޓަރެސްޓް (އީއައިއޯ) ހުށަހެޅުމުގެ ފުރުސަތު ހުޅުވާލައިފި އެެވެ.
އެ އެއާޕޯޓް ހިންގާ އައިލޭންޑް އޭވިއޭޝަން ސާވިސެސް (އައިއއޭސް) އިން ބުނީ މި ފުރުސަތު ރާއްޖެ އާއި ރާއްޖެ އިން ބޭރުގެ ފަރާތްތަކަށް ވެސް އޮންނާނެ ކަމަށެވެ. އީއައިއޯ ހުށަހެޅުމުގެ ފުރުސަތު ހުޅުވާލާފައި ވަނީ އަންނަ މަހުގެ 21 އާ ހަމައަށެވެ.
އަބޫދާބީ ފަންޑުން 60 މިލިއަން ޑޮލަރު ހަރަދުކޮށްގެން ހެދި މާފަރު އިންޓަނޭޝަނަލް އެއާޕޯޓު ހުޅުވީ 2019 ގެ ޑިސެމްބަރުގަ އެވެ.