އައްޑޫ އައްސޭރި ޓޫރިޒަމް ޕްރޮޖެކްޓްގެ މަސައްކަތް ވަރަށް އަވަހަށް ފެށޭނެ ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ޕީޕީއެމް/ޕީއެންސީގެ ފަރާތުން އައްޑޫ ހުޅުދޫ ދާއިރާ އަށް ވާދަކުރައްވާ ކެންޑިޑޭޓް މުހައްމަދު ޝާހިދު (ޝާޑު) ގެ ކެމްޕޭން ހަރަކާތެއްގައި ރޭ ވާހަކަ ދައްކަވަމުން ރައީސް ވިދާޅުވީ އައްޑޫ ބްރިޖް މަޝްރޫޢުގެ އިތުރުން ޓޫރިޒަމް އެނދުތައް ތަރައްޤީކުރުމާއި އެއަރޕޯޓް މަޝްރޫޢާއެކު ސީޕްލޭން ހަބުގެ މަސައްކަތް ވެސް ސަރުކާރުން ކުރިއަށް ގެން ނީ ގުޅިލާމެހިގެން ކަމަށެވެ.
"އައްސޭރި ޓޫރިޒަމްގެ ހަހާސް ބެޑުގެ މަޝްރޫޢު ވެސް ދާދި އަވަހަށް ފެށުމަށް މިހާރު މި ވަނީ ތައްޔާރުވެފައި. ދައްކާ ވާހަކައެއްގެ ބަދަލުގައި އެމަ ޝްރޫޢު ވެސް އެއާޕޯޓުގެ އިންޓަނޭޝަނަލް އިތުރު ޙަރުފަތްތަކަށް ތަރައްޤީކުރުމަށް އަމަލީގޮތުން މަސައްކަތްކުރާނެ،" ރައީސް ވިދާޅުވި އެވެ. "ސީޕްލޭން ހަބްގެ މަސައްކަތް ވެސް ހިމެނޭ ގޮތަށް ގުޅިލާމެހިގެން އައްޑޫތައް ޤީކުރަން މަސައްކަތް މި ކުރަނީ."
އައްޑޫގައި ޓޫރިޒަމް ތަރައްގީކޮށް ފުޅާކުރުމަށް ހިންގަން ނިންމާފައިވާ އައްސޭރި ޓޫރިޒަމް ޕްޖެކްޓްގެ ފަސް އަހަރުގެ ޕްލޭން ވެސް ވަނީ އާންމުކޮށްފަ އެވެ. އޭގެ ދަށުން 6،000 އެނދު ތަރައްގީ ކުރަން ނިންމާފައިވާ އިރު، މީގެ ސަބަބުން 10،000 ވަޒީފާގެ ފުރުސަތު އުފެދިގެންދާނެ ކަމަށް ބުނެފައިވެ ފައެވެ.
މި ޕްރޮޖެކްޓްގެ ތެރެއިން އައްޑޫގައި ކަލްޗަރަލް ވިލޭޖެއް ހެދުމާއި، ވެލްނެސް ޒޯނާއި، ހިމާޔަތްކޮށްފައިވާ ސަރަހައްދުތައް ފާހަގަކޮށް އެފަދަ ސަރަހައްދުތަކުން ޓޫރިޒަމްގެ ނަފާ ހޯދޭނެ ގޮތްތައް ހިމަނާފައިވެ އެވެ. އަދި އައްޑޫގައި ހޮސްޕިޓާލިޓީ ސްކޫލެއް ހެދުމަށް ވެސް ޕްލޭންގައިވެ އެވެ.