އިއްޔެވެސް މާލޭގެ އެކި ސަރަހައްދުތަކުން ގިނަ އަދަދެއްގެ ކުނި ނަގައިފިއެވެ.
މާލެސިޓީ ކައުންސިލުން ބުނެފައިވަނީ އިއްޔެ އެކަވެސް މާލޭގެ މަގުމަތިން 350 ކިލޯގެ 16 ޕިކަޕު، 1.5 ޓަނުގެ 6 ޕިކަޕު، 2 ޓަނުގެ 2 ޕިކަޕު އަދި 10 ޓަނުގެ 2 ޕިކަޕުގެ ކުނި ނަގާފައިވާ ކަމަށެވެ. އެއީ ޖުމުލަ 38.6 ޓަނުގެ ކުންޏެވެ.
މިއަދާއި މިރޭ މާލޭ މަގުމަތިން ނެގުނު ކުނީގެ އަދަދު
350 ކިލޯގެ 16 ޕިކަޕު
1.5 ޓަނުގެ 6 ޕިކަޕު
2 ޓަނުގެ 2 ޕިކަޕު
10 ޓަނުގެ 2 ޕިކަޕުޖުމުލަ 38.6 ޓަނުގެ ކުނި pic.twitter.com/SRewvQTwGh
— Malé City Council (@MaleCitymv) March 30, 2024
މިދިޔަ ހަފްތާގައި އެކަނިވެސް މާލޭގެ މަގުމަތިން ވަނީ 300 ޓަނަށް ވުރެ ގިނަ ކުނި ނަގާފައެވެ.
ރޯދަ މަސް ފެށުނުއިރު މާލޭގެ މަގުތަކަށް ގިނަ އަދަދަކަށް ކުނި އަޅާފައި އޮތުމުން މާލެސިޓީ ކައުންސިލުން ކުނި ނެގުމުގެ މަސައްކަތް ފެށިއެވެ. އަދި އޭގެފަހުން ކޮންމެ ދުވަހަކުވެސް މަގުތަކަށް ނެރެފައިހުންނަ ކުނިތައް ނެގުމުގެ މަސައްކަތް ސިޓީ ކައުންސިލުން އަންނަނީ ކުރަމުންނެވެ.
މާލޭގެ މޭޔަރު އާދަމް އާޒިމް ވަނީ މަގުމައްޗަކީ ކުނި އަޅާ ތަނަކަށް ނުހެއްދުމަށް އިލްތިމާސްކޮށްފައެވެ. އަދި ދިރިއުޅޭ ގެދޮރާއި ތިމާގެ ވެށި ސާފުކޮށް ބޭއްވުމަކީ އެންމެނަށް ހިތްފަސޭހަ ކަމަކަށް ވެގެންދާނެ ކަމަށް އާޒިމް ވިދާޅުވިއެވެ.