އެމެރިކާގެ އެކި ހިސާބުތަކުގައި އަޅާފައިވާ ބްރިޖްތަކުގެ ހާލަތު މިހާރު ވަރަށް ދަށް ކަމަށާއި ބައެއް ބްރިޖްތައް ވެއްޓިދާނެކަމުގެ ބިރު ވެސް ބޮޑު ކަމަށް އެ އެމެރިކަން ސޮސައިޓީ އޮފް ސިވިލް އިންޖިނިއާސް އެންޑް ދަ ފެޑެރެލް ގަރަވަމަންޓް (އޭއެސްސީއީ) އިން ބުނެފި އެވެ.
ބްރިޖްތަކުގެ ހާލަތާ ބެހޭ ދިރާސާއެއް ހެދުމަށް ފަހު އެތަނުން ބުނީ އެމެރިކާގެ 617000 ބްރިޖްގެ ތެރެއިން 46،100 ބްރިޖްގެ ހާލަތާ މެދު ވަކިން ކަންބޮޑުވާ ކަމަށެވެ. އަދި ކޮންމެ ތިން ބްރިޖަކުން އެ ބްރިޖެއްގެ ހާލަތު ވަރަށް ދަށް ކަމަށާއި އެފަދަ ބްރިޖްތައް ވަރަށް އަވަހަށް ވެއްޓިދާނެކަމުގެ ބިރުވެރިކަން އޮތް ކަމަށް ވެސް ބުންޏެވެ.
އޭއެސްސީއީ އިން ފާހަގަކުރި ގޮތުގައި އެމެރިކާގެ ބްރިޖްތަކުގެ ތެރެއިން މިހާރު 17،000 ބްރިޖެއްގެ މާ ގިނަ ދުވަސްތަކެއް ނުވެ ވެއްޓިދާނެކަމުގެ ބިރު އޮތް ކަމަށެވެ. އަދި ބްރިޖްތަކުގެ ހާލަތު ދަށީ ގިނަ ދުވަސްވުމާއި މަރާމާތު ނުކުރެވި ގިނަ ދުވަސްތަކެއްވުމާއި ރަނގަޅަށް ނުބެހެއްޓުން ފަދަ ކަންކަމާ ހެދި ކަމަށް ބުންޏެވެ.
މީގެ އިތުރުން ބްރިޖްތަކުގެ ދަށުން ދަތުރުކުރާ ބޮޑެތި އުޅަނދުފަހަރުން ބްރިޖްތަކުގައި ޖެހި ގެއްލުންތައް ލިބުމާއި ބޮޑެތި ކޮންޓެއިނާ އުފުލާ ޓްރަކް ފަދަ ތަކެތި ދަތުރުކުރުމުގެ ތެރޭގައި ވެސް ބްރިޖްތަކުގެ ސްޓްރަކްޗާތަކަށް ގެއްލުންތަކެއް ލިބި، ބައިތައް ނައްޓައިގެން ދިއުން ގެއްލުންޔައް ލިބިފައިވާކަން ފާހަގަކޮށްފައިވެ އެވެ.
އެމެރިކާގެ ބްރިޖްތަކުގެ ހާލަތު ސްޓޭޓްތަކުން މަދުވެގެން ކޮންމެ ދެ އަހަރަކުން އެއް ފަހަރު އިންސްޕެކްޓްކުރެ އެވެ. ތަފާސްހިސާބުތައް ދައްކާ ގޮތުން ބްރިޖްތައް މަރާމާތުކޮށްގެން އެންމެ ފަހުން އަރާފައިވާ އަގު 125 ބިލިއަން ޑޮލަރަށް އަރަ އެވެ.