އިލެކްޝަންސް ކޮމިޝަން (އީސީ) ގެ އެ ކޮމިޝަންގެ ސެކްރެޓަރީ ޖެނެރަލްގެ މަގާމުގައި ހުންނެވި ހަސަން ޒަކަރިއްޔާ، ކޮމިޝަންގެ މެންބަރު ކަމަށް އައްޔަން ކުރަން ފެންނަ ކަމަށް ރައްޔިތުންގެ މަޖިލީހުގެ މިނިވަން މުއައްސަސާތަކާ ބެހޭ ކޮމިޓީން ފާސްކޮށްފި އެވެ.
ޒަކަރިއްޔާގެ ނަން ދިރާސާ ކުރުމަށްފަހު އީސީގެ މެންބަރުކަމަށް އޭނާ އައްޔަން ކުރަން ފެންނަ ކަމަށް ފާސްކޮށްފައި ވަނީ 39 މެންބަރުންގެ އިއްތިފާގުންނެވެ. އީސީގެ މެމްބަރުކަމަށް ޒަކަރިއްޔާ އައްޔަން ކުރުމަށް ރައީސް ޑރ. މުޙައްމަދު މުޢިއްޒު ހުށައެޅުއްވީ އީސީގެ ނައިބު ރައީސް އިސްމާޢީލް ޙަބީބުގެ މެންބަރުކަމުގެ ދައުރު މި މަހުގެ 13 ގައި ހަމަވުމާ ގުޅިގެންނެވެ.
އީސީގެ ސެކްރެޓަރީ ޖެނެރަލްގެ މަގާމަށް ޒަކަރިއްޔާ އައްޔަންކުރީ ޖޫން 18، 2021 ގަ އެވެ.
ފަސް މެމްބަރުން އެކުލެވޭ އީސީގެ ރައީސަކީ ފުއާދު ތައުފީގެވެ. އަދި މިހާރުގެ ނައިބު ރައީސަކީ އަލީ ނަޝާތެވެ.