މާލޭގެ ތަގުވާ މިސްކިތުން ވައްކަންކުރި މީހަކު ހައްޔަރުކޮށްފި އެވެ.
ތިން ރޭ މަތިން އެ މިސްކިތުން 7 ފަންކާ ވަގަށް ނަގާފައިވާ ކަމަށް މާލެ ސިޓީ ކައުންސިލުން ބުނެފައިވެ އެވެ. އެ މައްސަލަ ފުލުހުންނަށް ހުށަހެޅުމާ ގުޅިގެން ވައްކަންކުރި ކަމަށް ތުހުމަތު ކުރެވޭ މީހަކު ހައްޔަރުކޮށް، މައްސަލަ މިހާރު އަންނަނީ އިތުރަށް ތަހުގީގު ކުރަމުންނެވެ.
މާލެ ކައުންސިލުން ވަނީ ތަގުވާ މިސްކިތުން މީހަކު ފަންކާއެއް ވަގަށް ނަގައިގެންދާ ވީޑިއޯއެއް ވެސް އާންމުކޮށްފައެވެ. ފުލުހުންގެ ތަރުޖަމާން އަހްމަދު ޝިފާން މިރޭ ވިދާޅުވީ ތަގުވާ މިސްކިތުން ވައްކަން ކުރި މީހާ ހައްޔަރުކޮށްފައިވާ ކަމަށެވެ.
މި ރޯދަ މަހުގެ ތެރޭގައި ދަރުމަވަންތަ މިސްކިތުން ދެ ފަންކާއަކާއި ފެންމޯޓަރެއް ވެސް ވަގަށް ނެގި މައްސަލަތަކެއް ފުލުހުންނަށް ވަނީ ހުށަހަޅައިފަ އެވެ.