ރައްޔިތުންގެ މަޖިލީހުގެ ސާޖަންޓް އެޓް އާމްސްގެ މަޤާމަށް އައްޔަނުކުރެއްވި މޭޖަރ (ރޓޑ) ތަލްހަތު ހަސަން، މަޤާމާ ހަވާލުވެވަޑައިގެންފިއެވެ.
އެ މަގާމު ހުސްވެފައިވާ ދޮޅު އަހަރެއްހާ ދުވަސް ފަހުން މަގާމަށް ތަލްހަތު އައްޔަންކުރަން ފާސްކުރީ މާޗް 27 ވަނަ ދުވަހުއެވެ.
ތަލްހަތު ހަސަން މަގާމާ ހަވާލުވެވަޑައިގެންފައިވަނީ މިއަދު ރައްޔިތުންގެ މަޖިލީހުގައި އެކަމަށް ހާއްސަކޮށް ބޭއްވި ރަސްމިއްޔާތެއްގައެވެ.
Newly appointed Sergeant at Arms of Peoples Majlis, Major (Retired) Thalhath Hassan takes Oath pic.twitter.com/vDYcjd8krH
— People's Majlis (@mvpeoplesmajlis) April 1, 2024
ތަލްހަތަކީ އެމްއެންޑީއެފްގައި 21 އަހަރު ހިދުމަތް ކުރައްވާފައިވާ ބޭފުޅެކެވެ. އޭނާ އެމްއެންޑިއެފްގެ ވަޒީފާއާ ގުޅިވަޑައިގެންނެވީ 1998 ގަ އެވެ. ހިދުމަތުން އޭނާ ރިޓަޔާ ކުރެއްވީ ޖެނުއަރީ 15، 2020 ގައެވެ. އެ މުއްދަތުގައި ތަލްހަތު ވަނީ ސްޕެޝަލް ޑިއުޓީ ރިބަން އެކަކާއި ދޭއްގެ އިތުރުން ޕްރެސިޑެންޝަލް ރިބަން އަދި ރިބަން އޮފް ސްކިލް ހާސިލު ކުރައްވައިފަ އެވެ.
ތޮލްހަތަކީ ކުރީގެ ރައީސް އިބްރާހިމް މުހައްމަދު ސޯލިހުގެ ސަރުކާރުގައި ސްޓެލްކޯގެ ބޯޑްގައި ވެސް މަސައްކަތްކުރެއްވި ބޭފުޅެކެވެ.