އިލެކްޝަންސް ކޮމިޝަން (އީސީ) ގެ ހުސްވެފައިވާ މެންބަރު ކަމަށް ހަސަން ޒަކަރިއްޔާ އައްޔަނުކުރަން ރައްޔިތުންގެ މަޖިލީހުން ފާސްކޮށްފިއެވެ.
އީސީގެ މެންބަރުކަމަށް ހަސަން ޒަކަރިއްޔާގެ ނަން މަޖިލީހުން ފާސްކޮށްފައިވަނީ ވޯޓުގައި ބައިވެރިވި 39 މެންބަރުންގެ އިއްތިފާގުންނެވެ.
މެންބަރު ކަމަށް އައްޔަނު ކުރެއްވިއިރު ޒަކަރިއްޔާ ހުންނެވީ އީސީގެ ސެކްރަޓަރީ ޖެނެރަލްގެ މަގާމުގައެވެ.
އީސީގެ މެމްބަރުކަމަށް ޒަކަރިއްޔާ އައްޔަން ކުރުމަށް ރައީސް ޑރ. މުޙައްމަދު މުއިއްޒު ހުށައެޅުއްވީ އީސީގެ ނައިބު ރައީސް އިސްމާޢީލް ޙަބީބުގެ މެންބަރުކަމުގެ ދައުރު މި މަހުގެ 13 ގައި ހަމަވުމާ ގުޅިގެންނެވެ.
އީސީގެ ރައީސްގެ މަގާމުގައި ހުންނެވީ ފުއާދު ތައުފީގެވެ. އަދި ނައިބު ރައީސްގެ މަގާމުގައި ހުންނެވީ އަލީ ނަޝާތެވެ.