ޗީފް އޮފް ޑިފެންސް ފޯސް، ލެފްޓިނެންޓް ޖެނެރަލް ޢަބްދުއްރަޙީމް ޢަބްދުއްލަޠީފް، އެމްއެންޑީއެފް ސަދަން އޭރިއާ ކޮމާންޑަށް ކުރައްވާ ދަތުރުފުޅުގައި، އައްޑޫ ސިޓީ ކައުންސިލްއާ ބައްދަލުކުރައްވައިފިއެވެ.
އިއްޔެ ކައުންސިލް އިދާރާގައި ބޭއްވި މި ބައްދަލުވުމުގައި، އެމްއެންޑީއެފް ސަދަން އޭރިއާ ކޮމާންޑާއި، އައްޑޫ ކައުންސިލާ ގުޅިގެން ކުރިއަށް ގެންދެވޭ ހަރަކާތްތަކުގެ މައްޗަށް އަލިއަޅުވާލައްވައި، މަޝްވަރާކުރި އެވެ.
އެ ބައްދަލުވުމުގައި، ޗީފް އޮފް ޑިފެންސް ފޯސްގެ އަރިހުގައި، އެމްއެންޑީއެފް ސަދަން އޭރިއާ ކޮމާންޑްގެ ކޮމާންޑަރު، ކާނަލް މުޙައްމަދު ޖަމްޝާދާއި، ސާޖަންޓް މޭޖަ އޮފް އެމްއެންޑީއެފް، ކޮމާންޑް ސާޖަންޓް މޭޖަރ އަދުނާން ޢަލީ އާއި، އެމްއެންޑީއެފްގެ ބައެއް ޖޮއިންޓް ސްޓާފް އޮފިސަރުންނާއި، އެމްއެންޑީއެފް ސަދަން އޭރިއާ ކޮމާންޑްގެ ސްޓާފް އޮފިސަރުން ބައިވެރިވެވަޑައިގެންނެވި ވިއެވެ.
ކައުންސިލްގެ ފަރާތުން މޭޔަރު ޢަލީ ނިޒާރާއި ކައުންސިލަރުން ބައިވެރިވެވަޑައިގެންނެވި އެވެ.
އެމްއެންޑީއެފް ސަދަން އޭރިއާ ކޮމާންޑް ގާއިމުކޮށްފައި އޮންނާނީ ގަމުގަ އެވެ.