ފުވައްމުލަކުގައި ރޭ ސިޓީގައި ނުރައްކާތެރި އެކްސިޑެންޓްއެއް ހިނގައި މީހަކަށް ސީރިއަސް ގެއްލުންތަކެއް ލިބިއްޖެ އެވެ.
ފުލުހުން ބުނީ އެ ސިޓީގައި ސައިކަލެއް ކޮންޓްރޯލް ނުވެ ޒިބްރާ ކްރޮސް ޕޯސްޓް ދަނޑެއްގައި ޖެހި އެކްސިޑެންޓެއް ހިނގާފައިވާ ކަމަށް ރިޕޯޓް ލިބުނީ ރޭ 11:34 އެހާކަންހާއިރު ކަމަށެވެ. އެ އެކްސިޑެންޓްގައި އަނިޔާވި މީހާ އަށް ފުވައްމުލަކު ހޮސްޕިޓަލުގައި ދަނީ ފަރުވާ ދިނުމަށް ފަހު ރޭ ފަތިހި ވަނީ އިތުރު ފަރުވާ އަށް މާލެ ގެންގޮސްފަ އެވެ.
އަނިޔާވި މީހާ އަކީ 32 އަހަރުގެ ދިވެހި ފިރިހެނެކެވެ.
ދާދި ފަހުން ވެސް ފުވައްމުލަކުގައި ބާރަށް ދުއްވި ސައިކަލެއް ފާރަކަށް އަރައި ލިބުނު ގެއްލުންތަކާ ގުޅިގެން މީހަކު މަރުވެފައިވެ އެވެ.