މީގެ އަހަރުތަކެއް ކުރިން ފެށިގެން ސައިފް އަލީ ހާން ބްރޭންޑް އެމްބެސެޑަރެއްގެ ގޮތުގައި ހަމަޖައްސައި، އޭނާ އެންޑޯޒް ކުރަމުން ދިޔަ "އިމޭޖް" އައިނުގެ ބްރޭންޑް އެމްބެސެޑަރަކަށް ސަލްމާން ހާން ހަމަޖައްސައިފި އެވެ.
މިކަން ސައިފްގެ މެނޭޖަރު ވެސް ވަނީ ކަށަވަރުކޮށް ދީފަ އެވެ. އެކަމަކު ސައިފް އަތުން އެ އެއްބަސްވުން ނެގުމަށް ފަހު، ސަލްމާނާ ހަވާލު ކުރި ސަަބަބެއް ނޭނގެ އެވެ.
"އިމޭޖް" އައިނު ކުރިއަށް އޮތް ތަނުގައި އިޝްތިހާރު ކުރާނީ ސަލްމާން ކަމަށް ނިންމުމާ ގުޅިގެން، އޭގެ ފުރަތަމަ ޓީވީ އިޝްތިހާރު ވެސް އޭނާ ވަނީ މިހާރު ވަނީ ޝޫޓްކޮށް ނިންމައިފަ އެވެ. އެ އިޝްތިހާރު ޗެނަލްތަކުން ވަރަށް އަވަހަށް ދައްކަން ފަށާނެ އެވެ.
މިހާރު ވެސް ގިނަ އުފެއްދުންތަކެއް އެންޑޯޒް ކުރަމުން އަންނަ ސައިފް އަތުން "އިމޭޖް" ބީވެގެން ދިޔަ ނަމަވެސް، ވަަރަށ އަވަހަށް އޭނާ އިތުރު ޕްރޮޑަކްޓެއް އެންޑޯޒް ކުރުމުގެ އެއްބަސްވުމުގައި ސޮއި ކުރާނެ އެެވެ.
ފިލްމީ އޮފާތަކުގެ އިތުރުން ޓީވީ އިޝްތިހާރުތައް ކާމިޔާބު ކުރުމުގައި ވެސް ބޮލީވުޑްގައި ބޮޑު ވާދަވެރި ކަމެއް އޮވެ އެވެ. މީގައި ބަތަލުންނާއި ބަތަލާއިންގެ މެދުގައި ތަފާތެއް ނެތެވެ.
އަދި މިއީ ތަރިންނަށް ބޮޑު އާމްދަނީއެއް ވެސް ލިބޭ ކަމެކެވެ.