ފިތުރު އީދު ފާހަގަކުުރަން މާލޭގައި ފެންކުޅީގެ ހަރަކާތްތަކާއި މިއުޒިކް ޝޯ ވެސް ބާއްވަނ ނިންމައިފި އެވެ.
ނަމުގައި މާލެ ސިޓީ ކައުންސިލުން ބުނީ "މަގޭ އީދު" ގެ ނަމުގައި އީދު ފާހަގަކުރަން ބާއްވާ ހަރަކާތްތަކުގެ ތެރޭގައި ބޮޑުމަސް ބޭނުމާއި މާލި ޕެރޭޑްގެ އިތުރުން ހަވާ އެރުވުން ވެސް އޮންނާނެ ކަމަށެވެ.
އެގޮތުން ފެންކުޅީގެ ހަރަކާތް ކުރިއަށް ދާނީ އީދު ދުވަހު ހެނދުނު 9:30 ގައި ރަސްފަންނުގަ އެވެ. ބޮޑުމަސް ބޭނުމާއި މާލި ޕެރޭޑް ކުރިއަށް ދާނީ ހަވީރު 4:00 އިން ފެށިގެން އޮލިމްޕަސް ކުރިމަތިންނެވެ. ސްޓޭޖް ޝޯ އޮންނާނީ އީދު ދުވަހުގެ ރޭ 8:30 ގައި އާޓިފިޝަލް ބީޗްގަ އެވެ. އަދި ހަވާ އެރުވުން އޮންނާނީ އެރޭ 10:00 ގަ އެވެ.
މާލޭގައި އީދު ފާހަގަ ކުރުމުގެ ހަރަކާތްތައް ބާއްވަނީ ކައުންސިލާއި ސާދާ އެންޓަޓައިންމަންޓް ގުޅިގެން ކަމަށް ކައުންސިލުން ބުންޏެވެ.
ފިތުރު އީދު ފާހަގަކުރަން ރަށްރަށުން ތައްޔާރީތައްވަމުން އަންނަ އިރު، އިސްލާމިކް މިނިސްޓަރު ޑރ. މުހައްމަދު ޝަހީމު އަލީ ސައީދު ވަނީ އިސްލާމީ ސަގާފަތާ އެއްގޮތަށް އީދު ފާހަގަކުރަން އިލްތިމާސްކުރައްވައިފަ އެވެ.