އުރީދޫގެ "އަތޮޅު ދުވުން" ގޭމް މި މަހު ކުޅެގެން ލީޑަބޯޑުގެ އެއް ވަނަ އަށް ދާ މީހަކަށް ސީ ގިއާގެ ފަރާތުން އިންސްޓަ360 ކެމެރާއެއް ދޭން ނިންމައިފި އެވެ.
"އަތޮޅު ދުވުން" ގޭމަކީ، ހުރިހާ އުމުރުފުރާއަކަށް ބައިވެރިވެވޭ ގޮތަށް ރާއްޖޭގައި ތައްޔާރުކުރެވިފައިވާ ފުރަތަމަ އެންޑްލަސް ރަނަރގޭމެވެ. އުރީދޫން ފުރަތަމަ އިސްތިހާރު ކަމަށްވާ، "ހަސަނަށް ފޯނެއް" ގެ ދަތުރުގައި މި ފަހަރު ރާއީ ދުވެފައި ދަނީ ރާއްޖޭގެ އުތުރުން ދެކުނަށް، ކޮންމެ މަހަކު ރާއްޖޭގެ އެއް ރަށަށް ނުވަތަ ލެވަލެއް އަންލޮކް ވެގެން ދާނެއެވެ.
ގޭމްގެ މި މަހުގެ އަޕްޑޭޓް މިހާރު އެޕް ސްޓޯރާއި އަދި ގޫގުލް ޕްލޭސްޓޯރުން ލިބޭނެ އެވެ.
މި މަހު "އަތޮޅު ދުވުން" ފެނިގެން ދާނީ ބ. އޭދަފުށިންނެވެ.
މި ގޭމުގައި 12 ލެވެލް ހިމެނޭއިރު، ކޮންމެ މަހަކު އާ ލެވެލެއްގައި އާ ރަށަކަށް ދަތުރުކުރެވޭނެ އެވެ. އަންލޮކް ވެގެންދާ ލެވެލް ކުޅެވޭނީ ހަމައެކަނި އެމަހަކު އެވެ. ކަލަންޑަރުގައި ހިމެނޭ މަންޒަރުގައި ސިއްރު އާޓްވޯކެއް ވެސް ހިމެނިފައިވާނެ އެވެ. މި އާޓްވޯކް ގޭމްގެ ތެރެއިން ހޯދައިގެން ބޯނަސް ލެވެލްއެއް ކުޅުމުގެ ފުރުސަތު ލިބޭނެ އެވެ.
މި އަހަރުގެ ކަލަންޑަރާއި ގޭމް ތައްޔާރުކުރީ ލޫޕްކްރާފްޓުންނެވެ.